難得放半天假, 嚟到觀塘的海潮食堂, 食個工廈茶餐廳快閃午餐。 海潮食堂是觀塘人氣茶記,無招牌是工廈食店特色,隱於大街上好易走漏眼。客人即使第一次來也不用擔心,只因老闆伙計們超親民,會推介茶記名物和新口味。 蔥花蛋烘底多士($27), 做法好有心思, 面層是薄脆多士, 夾一層邪惡的牛油, 中間是鬆軟的白麵包, 甚花工夫。蔥花炒蛋不算厚身, 蛋炒過的蔥花很香口,炒蛋也嫩。 炸蝦條牛腩煎米粉($53),家庭式牛腩風味, 半筋半腩稔嫩入味, 煎米粉很難煎得脆口, 這兒也沒有例外, 雖然唔算脆口但 牛腩挽回唔少分數, 至於蝦條是炸過的, 雖然九唔搭八但都算有創意, 而且炸蝦條是文迪的學生回憶呀! 魔鬼奶油多($27), 絕對係可以用魔鬼嚟形容, 同樣是薄脆多士,超厚牛油超多煉奶美祿恐龍, 好味但超肥。 炸燒賣($13), 叫埋呢個有啲Over咗, 連老闆都想阻止我哋。 超燙口加咗川式麻辣油, 不過冇咩特別。 食飽飽,就可以去附近的駱駝漆大廈朝聖了。 #海潮食堂 #文迪漫遊慢生活海潮食堂地址:觀塘成業街19-21 號成業工業大廈地下G6 號舖**更多飲食、旅遊的博文,可加入我的專頁**Facebook Instagram U Blog