在介紹「冚棒唥」之前， 先要考考大家店名的發音。ham 6 baang 6 laang 6 未必人人識讀， 但說到廣東話「全部嘢」， 可能大家就會知道， 哦原來就係嗰個意思囉...... 冚棒唥， 聽名字就知是玩味感十足的咖啡店， 既然有「全部嘢」的意思， 所以就係就多國菜的路線。 你會發現餐牌上既有西式飲品， 又有泰式、越式...... 冚棒唥都有。 店風同樣走多元風格，既有懷舊大哥大手提電話， 又有店主珍藏的鐵皮車仔， 店內一角寄賣本土精品， 連牆上的油畫也是寄賣的， 名副其實的「雜不甩」。點擊圖片放大 +4 呢間嘅特色就係每杯飲品，都設計得好靚， 而且又難得幾好飲喎， 唯一唔好嘅就係較為偏貴。 凍朱古力($68) 被高度評價， 用比利時朱古力粉味道甘濃有層次， 面層也灑滿黑朱古力粉， 好似飲緊朱古力版嘅美祿恐龍。 椰奶泰式紅茶冰($70)， 絕對會讓人勾起泰國旅遊回憶。 泰式紅茶冰球是用泰標紅茶， 用熱椰汁沖入茶冰， 就成一杯冰凍的椰奶Thai Tea， 十分特別！ 而且可以調教奶茶的濃度， 加入三分之二椰奶茶味依然濃郁， 玩味又好喝。點擊圖片放大 很有本土藝術感的咖啡店， 很「香港」的多元風格， 在咖啡店遍地開花的現況下， 是需要這種充滿本土味道的咖啡店。 冚棒唥 地址：佐敦西貢街3-5號昌華商業大廈地下2號舖電話：24680806官網：FACEBOOK＊＊更多飲食、旅遊的博文，可加入我的專頁＊＊Facebook Instagram U Blog
