屯門雅都商場上月搖身一變,變成佔地50000呎的掃食新場,還改了個型格的名字:Go Go Mall。新食場有廿多間特式食店,吸引屯門人甚至外區人專程來「掃場」! 更多的旅遊、飲食、分享,可加入文迪.漫遊.慢生活的專頁: |Faceoook|Blogspot|Instagram|Ulifestyle|Openrice| *** Go Go Mall的賣點是營業至凌晨二時,但要注意凌晨營業只限星期五至日,千祈唔好摸門釘! Go Go Mall有少量的堂食食桌,立食也可。走少見的文青小清新路線,食店主題五花八門,感覺更像美食廣場。 第一站:鋒味屋 走勻整個食場,鋒味屋是最吸引眼球的一家,賣的是近期大熱的石磨腸粉,而且師傅即叫即做熱辣辣。 招牌叉燒腸粉($23) 份量不少,抵食!腸粉偏向厚身,米香一般但幾滑溜,加入雞蛋會令腸粉口感更豐富,甜甜的叉燒不嚡口,叉燒份量能多點就好。 賣相:❤❤❤❤❤❤❤7.5/10 味道:❤❤❤❤❤❤❤7.5/10 抵食:❤❤❤❤❤❤❤❤8/10 詳文:Openrice 第二站:醉滋味 醉滋味最受歡迎的是招牌醉雞卷,小食也比同場食店為多。 招牌醉雞卷($38) 一客八件厚薄適中,賣相看起來也不錯。雞卷酒香不太重,夠滑但不太有雞味,新鮮無雪氣味算是難得。 賣相:❤❤❤❤❤❤❤7.5/10 味道:❤❤❤❤❤❤❤7/10 抵食:❤❤❤❤❤❤❤7/10 辛香花甲粉($38) 粉絲湯身夠麻夠辣, 粉絲份量又多很飽肚, 花甲相當新鮮鮮甜, 再加上貼心地用錫紙兜盛載, 比用發泡膠更環保,值得一讚。 賣相:❤❤❤❤❤❤❤7/10 味道:❤❤❤❤❤❤❤7.5/10 抵食:❤❤❤❤❤❤❤❤7.5/10 詳文:Openrice 第三站:Come撈 撈麵套餐有六款選擇,港式、胡麻、芥末、川式......學生哥喜歡的味道。 另可選三餸或二餸冷麵,配搭成$20的拉麵套餐,亦有鹵水、咖哩等等小食。 招牌祕製Come撈麵($10) 白麵條加入蒜蓉、味粉、紫菜撈撈便成。味精感頗重,始終汁醬是撈麵的靈魂,用現成味粉就有欠誠意。 賣相:❤❤❤❤❤❤6/10 味道:❤❤❤❤❤❤6/10 抵食:❤❤❤❤❤❤❤7.5/10 鹵水雞翼($15/3隻) 滷得嫩滑入味, 口味家常, 就價錢而言甚抵食。 賣相:❤❤❤❤❤❤❤7/10 味道:❤❤❤❤❤❤❤7.5/10 抵食:❤❤❤❤❤❤❤❤8/10 詳文:Openrice 第四站:章魚燒大師 商場掃街小食,又點少得章魚燒? 章魚燒大師在屯門薄有名氣,原本是開在紅橋後巷的,是名乎其實的隱世小店。 原味章魚燒價錢不太貴, 價錢分別是$20(4粒)、$26(6粒)、$32(8粒),但要試特別口味就要付出更多,亦可配成烏冬。 原味章魚燒($20/4粒) 大量的木魚絲、紫菜粉、沙律醬加上燒汁,很吸引。 微微脆口的章魚燒外層, 內裏口感軟綿綿的,不過章魚粒較為小顆,試過飛魚子、明太子口味,口感更豐富。 賣相:❤❤❤❤❤❤❤7.5/10 味道:❤❤❤❤❤❤❤7.5/10 抵食:❤❤❤❤❤❤❤7/10 詳文:Openrice 第五站:Dear Desserts 雖然只有四款口味,但款款雪糕窩夫賣相都超靚,所以吸引好多食客光顧。 焦糖香蕉窩夫($43) 這根本是二人份量,可以甜品當正餐了,窩夫口感像麻糬蛋香足,最喜歡焦糖又脆又甜,配呍呢嗱雪糕好Match! 賣相:❤❤❤❤❤❤❤❤8/10 味道:❤❤❤❤❤❤❤❤8/10 抵食:❤❤❤❤❤❤❤❤7.5/10 詳文:Openrice 第六站:琛榴槤(老樹) 榴槤甜品專賣店,暫時只有兩款榴槤甜品,但兩款都超級好吃,榴槤迷一家要試! 老樹極品貓山王雪糕($45) 小小的一杯但真材實料,第一次食如此濃郁的榴槤雪糕!雪糕口感極滑,內有真正榴槤果肉,基本上就同食真榴槤有分別,正! 賣相:❤❤❤❤❤❤❤7.5/10 味道:❤❤❤❤❤❤❤❤8.5/10 抵食:❤❤❤❤❤❤❤7/10 貓山王榴槤芝士撻($25) 同樣超迷你,面層燒過微暖有蛋香,芝士撻餡滑滑的,重點是內有冰凍榴槤肉,口感豐富又美味!小貴但相當值得。 賣相:❤❤❤❤❤❤❤7/10 味道:❤❤❤❤❤❤❤❤8.5/10 抵食:❤❤❤❤❤❤❤❤7/10 詳文:Openrice 第七站:雪糕婆婆 發現場內最缺乏的就是飲品店,雪糕婆婆可謂佔盡天時地利。各式懷舊飲品, 有雪糕梳打、紅豆冰、咸檸七、黑牛、白牛......相信是不少人的童年回憶。 黑牛($18) 可樂上有一球朱古力雪糕,還附上小匙來吃雪糕。喝起來味道不差,這「黑牛」確是玩味十足,但喜歡與否就純屬個人喜好了。 賣相:❤❤❤❤❤❤❤7.5/10 味道:❤❤❤❤❤❤❤7/10 抵食:❤❤❤❤❤❤❤❤8/10 詳文:Openrice 第八站:小巴黎 小巴黎的越式特飲款式多多,紅毛丹冰、珍多冰、三色冰、椰汁冰、椰青、 薄荷大菜冰...... 椰汁三色冰($21) 罐頭椰汁味道偏甜, 啫喱粉條難以吸綴, 只能吃到綠豆, 味道不怎麼樣但用料十足, 加上飲品價錢不貴, 不喝奶蓋的另類選擇。 賣相:❤❤❤❤❤❤❤7/10 味道:❤❤❤❤❤❤6.5/10 抵食:❤❤❤❤❤❤❤7.5/10 詳文:Openrice *** Go Go Mall 地址:屯門鄉事會路112-140號 電話:2841 8893 營業時間: 星期一至四11:00am-11:00pm 星期五至日 11:00am-1:00am 網站:Facebook 更詳細的食文,可瀏覽我的OPENRICE專頁。 更多飲食、旅遊的博文,可加入我的專頁。 文迪