8月生日月，去咗香港港麗酒店（Conrad Hong Kong Hotel ）staycation，真係好開心！好耐冇試過咁放鬆啦！ Conrad有地理優勢，房間海景景觀一流，普通海景房已經對住成個維港！嗰日仲係打風前夕，所以天空特別藍雲又特別白！ Conrad係香港老牌五星級酒店，今次package真係肺炎價！$2800／兩位包住宿，食物仲要包足4餐！ 我揀Conrad主要原因係因為晚上fine dining可以揀Nicholini’s 意大利餐廳或者Brasserie on The Eighth 法國餐廳，睇番其他酒店staycation package好多都只係包room service或者menu唔係好吸引，對於鍾意食嘅我來講，餐飲都佔其重評分！ Conrad dinner set係意大利餐廳Nicholini’s／法國餐廳Brasserie on The Eighth 提供，而且4 courses都幾吸引，例如我揀Nicholini’s可以食到招牌菜羊鞍。由於我8月中去，當晚仲係晚市禁堂食，所以改為in-room dining，服務員會推上房，頭三道菜都可以喺餐車入面保溫。個人覺得味道依然好有水準，龍蝦貓耳粉以及燒羊鞍尤其出色。 下午茶水準一般，不過喺59/F lounge食景，影張打卡照都唔錯嘅。 呢個就係59/F lounge Evening Snacks選擇唔多，勝在紅白酒sparkling wine任飲，仲有特調雞尾酒。我自己就主要食cheese，都係回本位。點擊圖片放大 +3 早餐反而比想像中好，選擇好多，味道亦唔錯，我個人就推介要試牛角包及smoothie！點擊圖片放大 +3 因為今次係慶祝生日嘅關係，所以酒店都送咗個朱古力蛋糕。 至於房間都唔錯，茶包用TWG，洗澡用品用SHANGHAI TANG，浴缸夠大，有雙洗手盆。 整體服務好殷勤，職員嘅衛生意識都高，見到每枱客人離開都有立即消毒清潔，令人放心。好滿意嘅一次staycation體驗！呢個咁抵嘅Package只係得Klook有得訂購：bit.ly/2IS77GW PS1. 戴定個頭盔先。唔係鼓勵大家要外出，大家要自己做好research，考慮到邊間酒店安全，有冇做好保護自己嘅措施先決定入住呀！———不同酒店訂房網址:(Agoda) https://bit.ly/2MtRA07(Hotels. com) https://bit.ly/2Mu4mvG(Booking .com) https:// bit.ly/2PvBjMQ(樂天旅遊Rakuten Travel ) https://bit.ly/2CV1msv（Japanican）https://bit.ly/2CWettI（HotelsCombined 酒店比價網）https://bit.ly/2p741py（永安旅遊網）http://bit.ly/30x0UbV（洲際酒店集團(IHG) 酒店預訂）http://bit.ly/2I7KvSA－－－旅遊套票／旅遊體驗／鐵路交通票／入場門票等（KKDAY） https://tiny.cc/mf_KKDAY（KLOOK）https://bit.ly/2IS77GW
