【四國 德島】去德島只有一個目的，就係去鳴門睇漩渦！不過每日漩渦嘅時間唔同，我哋呢日就係2pm先有得睇，造就我哋成個trip唯一一個早上可以瞓到自然醒，仲可以慢慢嘆brunch，唔駛趕住去搭JR或者巴士！ 我哋早上特登去搵靚啡，呢間可否庵（Coffee-an） 1980年創業，係一間自家焙煎珈琲専門店。 『可否』原來來自於日文「Cafe」嘅發音，昭和時代好流行將無漢字嘅名詞配上漢字發音！ 成間咖啡店都充滿日式懷舊氣息，好靚！ 點擊圖片放大 +3 Menu全日文，好彩老闆英文都溝通到。 咖啡500yen一杯，Breakfast set包咖啡先750yen，抵好多！ 早餐有toast 同bagel 選擇，各自都有唔同嘅餡料選擇，兩款都配有沙律。我哋就揀咗牛油果蝦bagel及牛油多士。 我自己就覺得bagel都幾好食，唔會好硬，入面好多牛油果，都幾足料。 點擊圖片放大 牛油多士烤得香脆微焦，塗上牛油，簡單美味。 而咖啡都會係老闆手沖，我嗰杯係Mocha，男友則揀咗一隻深煎咖啡。 我唔係好識飲咖啡，但係個人就好鍾意，非常順喉平均，完全唔酸，反而飲到咖啡豆香氣！ －－－－－－－ 可否庵Coffee-an 地址：德島市幸町2丁目30 營業時間：7:00-19:00 －－－ 不同酒店訂房網址:(Agoda) https://bit.ly/2MtRA07 (Hotels. com) https://bit.ly/2Mu4mvG(Booking .com) https:// bit.ly/2PvBjMQ(樂天旅遊Rakuten Travel ) https://bit.ly/2CV1msv（Japanican）https://bit.ly/2CWettI（HotelsCombined 酒店比價網）https://bit.ly/2p741py（永安旅遊網）http://bit.ly/30x0UbV（洲際酒店集團(IHG) 酒店預訂）http://bit.ly/2I7KvSA－－－旅遊套票／旅遊體驗／鐵路交通票／入場門票等（KKDAY） https://tiny.cc/mf_KKDAY（KLOOK）https://bit.ly/2IS77GW
