【四國 德島 大步危】之前都有介紹到新祖谷溫泉飯店蔓橋 （新祖谷温泉 ホテルかずら橋）的住宿～ 其實當初我除咗被佢嘅私人纜車有得上山露天風呂所吸引之外，佢嘅爐端燒鄉土料理亦係賣點之一！ 同其他酒店唔同，每組新祖谷溫泉飯店蔓橋嘅客人都會圍住炭爐享用晚餐，除咗可以取暖之外，亦會有一D食物係喺炭爐度燒，好有特色。 所有客人都會去餐廳用膳，去到門口已經見到歡迎牌寫住我哋個名！ 入到去已經見到好多食物已經準備好，不過熟食都會按照每組客人用膳嘅時間而各自準備，所以唔使擔心食物會變涼。 桌面擺咗今晚嘅餐單，好期待呀！ 準備開動啦！ 我哋點咗兩壺熱sake，暖暖身！ 我好鍾意食會席料理，其中一個原因係我見到咁多細細碟覺得好療癒，哈哈。 刺身 前菜 天婦羅，南瓜好甜呀！ 呢個千層中國椰菜阿波豚肉，淋上creamy嘅忌廉汁，完全係西日fusion，有驚喜。 豚肉火鍋 日本嘅豚肉真係特別有肉味！ 當中最特別嘅就係呢個『木偶串燒』，由丸子、豆腐、蒟蒻而成，係德島當地嘅特色鄉土料理。 烤魚最好食，外面烤得酥脆，內裡魚肉嫩滑。 我相信蒟蒻應該係呢度盛產吧，竟然有蒟蒻刺身、蒟蒻串燒、煮蒟蒻，好多蒟蒻料理！ 當然唔少得呢度出名嘅祖谷蕎麥麵，用上當地純淨泉水，好食！ 仲要有埋飯，超飽超豐富！ 最後以甜美嘅水果作結。 雖然整體食物唔算非常驚艷，但食到鄉土料理嘅真誠美味，味道樸實。 早餐一樣係中上水準！ 豆腐真係非一般嘅好食！ 日本人真係好鍾意食沙律，明明係日式都要早餐食西式沙律。 —- 不同酒店訂房網址: (Agoda) https://bit.ly/2MtRA07 (Hotels. com) https://bit.ly/2Mu4mvG (Booking .com) https:// bit.ly/2PvBjMQ (樂天旅遊Rakuten Travel ) https://bit.ly/2CV1msv （Japanican）https://bit.ly/2CWettI （HotelsCombined 酒店比價網）https://bit.ly/2p741py （永安旅遊網）http://bit.ly/30x0UbV （洲際酒店集團(IHG) 酒店預訂）http://bit.ly/2I7KvSA －－－ 旅遊套票／旅遊體驗／鐵路交通票／入場門票等 （KKDAY） https://tiny.cc/mf_KKDAY （KLOOK）https://bit.ly/2IS77GW
