東京唔係淨係得東京香蕉蛋糕嘅，介紹一d東京駅手信系列俾大家啦! 1. PRESS BUTTER SAND 原味焦糖夾心奶油餅 餅乾非常鬆脆，一咬開就有一層焦糖同一層creamy嘅北海道鮮奶油，雙重口感！焦糖味道濃郁，但加埋奶油岩岩好平衡咗甜度，好好味！ 東京駅分店長期都要排隊，如果想唔駛排，可以去skytree分店買！ 2. NEWYORK Perfect Cheese 另一東京駅人氣手信！又係任何時候都係有人龍，好誇張！ 食完完全會明點解佢咁有人氣，因為的確好正好正好正呀！貓舌餅超級香脆，而且好重牛油香，夾著原條芝士同 白朱古力忌廉，芝士味香濃豐富，可惜真係貴咗D！ 呢個其實係我妹妹上次喺 新宿京王百貨店買，人流會比東京站短，但都要排大約25分鐘先買到！我今次去原先都想再買，但見到東京站店人龍太長，唯有放棄。 3. N.Y.C. Sand 繼續介紹東京駅排長龍手信店-N.Y.C. Sand！ 呢間又係好誇張！條隊長到斬開3截，分3個區域咁排，排左大約35-40分鐘左右。買左招牌焦糖朱古力夾餅4件裝小試牛刀，返香港食完之後真係好後悔買咁少！餅乾好香脆，入面夾住兩層朱古力，同埋一層焦糖醬，一咬開，焦糖仲會有少少拉絲效果！朱古力都好香濃！不過都係定價比較高! 4. FORMA cheesecake 東京駅限定嘅完熟六色芝士蛋糕！FORMA係一間芝士專門店，而呢一個芝士蛋糕可以一次過試到六種王牌芝士蛋糕，可以試到唔同芝士嘅濃郁度，由淡食到濃，好有層次。個人就鍾意芝士味較濃，蛋糕嘅質感亦都非常creamy，都唔錯！不過保存期只有一至兩天，同埋要冷藏加錢買保冷袋運返黎，完全係超有誠意嘅手信！ 5. Fromage 東京駅八重洲南口改札内嘅Fromage芝士杯，超好食！撻皮鬆脆又重牛油香，入面芝士餡好軟滑，芝士味偏乳酪香，好想再食呀！ 6. ねんりん家 (年輪家) 年輪蛋糕蛋香濃郁，口感軟熟濕潤，而且外層有糖霜多咗酥脆嘅口感！整體唔會好似平時海綿蛋糕咁乾身，難怪咁受歡迎！東京駅銘品館南口 以及 大丸東京 都有店！ 7. Cookie Ivorish 呢個得東京skytree 有得賣，見到新岀未見過又買佐盒返黎試！曲奇外酥內軟，焦糖味香濃！不過後來我先知呢間係一間來自福岡嘅法式多士 甜品店，佢嘅多士好有人氣呢！ －－－－－－－－－－－－－－－－ 更多東京及東京近郊遊記: 【箱根住宿推介】2017年新開，性價比超高！蘆之湖花織酒店Hakone Ashinoko Hanaori（房間篇） 【箱根住宿推介】2017年新開，性價比超高！蘆之湖花織酒店Hakone Ashinoko Hanaori（晚餐篇） 【日光美食推介】在日本有形文化財產內食無敵好食蛋包飯@明治之館 箱根交通+靜岡縣新開超人氣景點三島Skywalk Facebook Instagram Blogspot Ublog BE She GetReadyHongKong theZtyle itrial style-tips Email: tung42329@gmail.com ✿ 歡迎邀稿│合作試用│出席活動 ✿
