超中意超中意超中意呢款RMK gel creamy foundation （水凝柔光粉底霜）！ 2個月前去日本幫阿妹買RMK 眼影，送咗幾包foundation sample， 結果一用又燒著咗銀包，因為太好用啦！ RMK 呢個品牌相信好多人都認識，我開頭以為係佢嘅彩妝產品出名，但原來唔少日本雜誌都極力推薦佢嘅底妝產品，在日本人氣超高。 而RMK提倡自然妝容嘅理念，本人係十分認同，亦十分希望擁有>< HK$480 共7色 30g SPF24 PA++ 日本買當然會比較便宜一點。5000YEN～ 粉底液質感好透薄，非常易推，唧少少已經可以用勻成塊面， 呢種舒適又輕盈的觸感，真係一試愛上！ 本身我喺下巴位置以及鼻樑位置都有唔少紅色痘印， 但就咁搽呢個粉底液上面，未用遮瑕膏， 紅色痘印已經蓋得七七八八，可見遮瑕度唔錯！ 呢張我淨係搽咗防曬+RMK foundation炸，makeup base都無用，但都好貼服。 呢支foundation嘅優點係，就算有一定遮瑕度，出嚟嘅效果係好自然， 而且完全唔會覺得好厚重，打造裸妝冇難度！ 保濕度方面，都可以keep到大半日，持久度OK 共有7隻顏色，我塊臉比較黃，揀咗用101號，效果都幾自然～ 見到網上都好多人大讚RMK creamy foundation， 不過我沒有試過就沒有買到，未能比較兩者， 但我相信這個用得好，我一定會再回購的！ ✿產品為本人自費，非品牌贊助。本文章所發表的內容純屬個人意見及分享，並不代表該品牌的言論及立場。因此，如需協助或希望獲得更多有關產品資訊，請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。 ✿ Instagram Facebook Blogspot Ublog BE She GetReadyHongKong theZtyle Email: tung42329@gmail.com ✿ 歡迎邀稿│合作試用│出席活動 ✿
