因為我係敏感肌膚，所以所有護膚品我都會留意成分。早排上網留意到日本呢個牌子MiMC（エムアイエムシー），品牌概念是希望讓女性能夠更健康咁使用化妝品，所以旗下不少產品都係100%天然成分，不過香港不得賣，心思思下搵咗IG日本代購店入手一個！ MiMC：http://www.mimc.co/about-us-tw/ 呢個礦物質保濕底妝蜜粉因爲係100%礦物粉，成分天然到孕婦都用得，所以我都好放心，起碼唔會太傷皮膚！因為呢排下巴爆咗啲瘡（喊出嚟><")，我都唔多想化妝，但唔化又唔係好見到人，所以呢個蜜粉全天然成份呢一點真係令我感覺放心啲，起碼用完化完妝，暗瘡冇惡化到。 效果： 蜜粉好薄好幼滑，遮瑕度唔算好勁，不過如果想化個妝貼服d自然d，好似素顏妝，呢個就一定啱，因為完全唔厚粉。SPF19 PA++，防曬度唔高，所以預先一定要搽定防曬呀！ 特別之處： 呢個蜜粉係連埋個粉撲，所以一打開就可以上粉，確保啲粉唔會飛出嚟，上妝亦會均勻啲。（粉撲頭另外可以替換，可以放心！）。蓋面係一塊鏡，我想講，日本人真係好貼心，帶著呢盒出街已經可以補妝！ 【產品自費，非試用】 －－－ Email: tung42329@gmail.com IG: https://www.instagram.com/missfoodies IG: https://www.instagram.com/hkfoodie_yum Blogspot: http://mantung88.blogspot.hk/ Ublog: https://blog.ulifestyle.com.hk/blogger/mantung88/ BE: http://www.beautyexchange.com.hk/blog/相機食先的女孩 She: http://blog.she.com/mantung88/
