最不喜歡的秋天來了，天氣潮濕令皮膚容易內乾外油，很容易生痘痘呢！ 護膚品都係時候要轉一轉～ 今次就介紹下護膚的第一步－爽膚水！[功效：控油，收縮毛孔，去角質] 呢期我用緊Clarins的綠水爽膚水(toning lotion with iris)，都幾好用，值得推薦！ 它有綠色同黃色兩款，黃色係for乾性或中性皮膚，綠色就係適合偏油或混合性皮膚，我自己係混合肌，所以綠色會啱啲～ 識我嘅朋友都知我係敏感肌，所以每樣搽上面嘅產品我都會睇清楚成份，呢隻綠水入面嘅成份全部純植物，重點不含酒精，唔會刺激皮膚或者令到皮膚更加乾燥！可以放心！不過究竟功效如何呢？ [GOOD ] （1）綠水質感非常水，所以好啱依家嘅天氣。我自己唔係咁鍾意咁杰撻撻嘅，始終未係冬天或者太乾燥，用太杰嘅toner感覺對皮膚嘅負荷會幾大，同埋粒子太大都影響皮膚的吸收力。 （2）保濕能力不錯，將化妝棉沾滿toner，揉完整塊面再喺特別乾燥的位置作厚敷，呢個急救保濕方法好work！而且爽膚水含有鳶尾花成分，紓緩敏感功效唔錯。 （3）控油能力滿意。可能因為保濕能力唔錯，之後塗上面嘅精華油特別吸收，所以出油嘅情況改善咗。 （4）400ml 大大支只需$230，仲要係counter品牌，其實都幾抵。見到咁抵用，好多時我都落到幾重手，唔洗就住就住，慳住使，哈哈～ [BAD] （1）其實做人又唔可以咁貪心嘅，好難有一樣嘢樣樣都掂。咁呢支toner我覺得去角質嘅功效係無咩嘅，哈哈，可能因為無酒精成份啦，清潔功能都唔多覺。如果想去去角質，一定要有其他護理啦～ －－－ 利申：自費，非品牌贊助 Email: tung42329@gmail.com IG: https://www.instagram.com/missfoodies IG: https://www.instagram.com/hkfoodie_yum Blogspot: http://mantung88.blogspot.hk/ Ublog: https://blog.ulifestyle.com.hk/blogger/mantung88/ BE: http://www.beautyexchange.com.hk/blog/相機食先的女孩 She: http://blog.she.com/mantung88/
