今個復活節約左曼姐幾個同學去位於元朗開心花園農莊玩。 由於幾個家長都係住屯門，就約左係屯門西鐵站度等，一齊搭車去 我地係朗屏站落車，因為有bb車，所以打算再轉的士入農莊，點知朗屏站係好難截的士，最終大家都係乖乖去坐K66巴士啦，係朗屏站B2出口，我地根據農莊網站指引係回旋處落車，行大約十至十五分鐘就到喇。 農莊入口 一入到農莊，就會見到呢個美麗花圃。 農莊入場係需要收費的，一人$30，大小同價。另外佢亦有BBQ提供，Jion BBQ就可以豁免收入場費。 平日一至四：大人$140 小童$70 星期五六日公眾假期：大人$160 小童$70 小童身高100-140cm 我地本身有諗住係場內BBQ，但當日去到發現實在太熱了，當我地十五十六既時間，收銀銀姨姨就話你地比左入場費先啦，如果到時你地想BBQ可以幫我地轉返，實在太好了，咁我一家四口，就比左3人價錢$90入場喇。 農莊入口 係花圃對面，即係相既右邊係拎野食飲品同燒烤地方，入邊燒烤場都幾大左邊都係燒烤場，我都見到有一兩組客人正在燒烤，我覺得佢地好勇敢喔，當時烈日當空，曼曼媽一家都好怕熱呢。放棄左燒野食 曼曼媽第二次黎呢個農莊，第一次黎係上年10月，當時我地就有BBQ，食物質素都唔錯的，但由我地燒夜晚，太陽一落山，d蚊蚊凶湧而出，嚇死曼曼媽，我好易比蚊咬，好彩場地好有蚊香出售，點左蚊香之後後就冇蚊蚊走過黎喇。 對比上一次，今次場地增加左唔少設施，除左入門口有鞦韆之外，仲增加左一個旋轉踏單車，小朋友一見到就跑晒埋去。 附近仲有滑梯同攀爬架 多人乘坐搖搖緊，海盜船 再往前走有兩個個欄，分別養左羊同烏龜 可以去收銀處買草 餵食中 再往下走右邊就會見到有個空地，有好多單車，滑板車，比小朋友玩，仲有一個沙池，入邊有工具 沙池係最入，因為曼姐冇玩，所以曼媽忘記左影 而左手邊就會見到有三間木屋，影相一流 點擊圖片放大 +2 木屋區都夠班小朋友玩到瘋，開門關門，玩滑梯，有高有矮。曼姐直情當左係自己屋企咁。曼弟比曼曼媽捉左去影靚相。 木屋區下邊仲有一個搖搖板加鞦韆區，每區都有鞦韆，唔怕小朋友爭。 黎到呢度仲未完，再行落d，仲有一大片休憩區。 呢區係上次曼曼媽黎時都未有的，新加呢個鞦韆適合比較年幼孩子，曼弟玩得好開心。仲有個兒童專用健身器材 點擊圖片放大 另一邊係休息區有好多長櫈比人休息 休憩區後就係農地喇 大家有冇留意相入邊有充氣城堡，但曼曼媽冇介紹到呢，因為充氣城堡係需要另外收費架，$60全日任玩，曼曼媽兩次都冇額外比錢再玩，因為其他區域都已經好夠曼姐同班同學仔放電，而佢地玩得最多既一區係木屋區，個個入到屋都唔想出返黎，但曼曼媽入過去其實有點焗，所以話小朋友有得玩咩都唔怕啦。 個個都曬到變燒豬仔，大家如果去記得搽防曬同蚊怕水呀，曼姐同曼弟搽左先出門，入到去再補都曬黑左，可憐既曼曼爸更變左一舊炭，辛苦曼曼爸同佢地係出便曬，等曼曼媽係帳篷下同其他媽媽傾下計，亦都多謝一齊去玩既家庭幫手照顧小朋友。 曼曼媽第一次寫分享文，希望大家多多包涵。
