唔經唔覺箍左一段時間，由9月1號2021年開始箍，先箍下面，再箍上面。但其實未箍上面個陣，我下面有一邊既鋼線成日斷，因為佢扯果個位啲牙係有好大既disparity （因為我有幾隻牙剝左）所以個邊牙與牙之間有好大既差距，導致扯得好勁，可能冇特別食啲咩硬野咬下咬下咁就會斷左，不過每次去補番條線都唔需要額外加錢，所以唔洗太擔心，白醫生同啲姑娘都講話我啲牙咁樣係好容易斷，唯有再小心啲！我上面既鋼線都斷左幾次，哈哈！無辦法啦，我都唔想。聽人講箍左牙咩都唔食得，我可能為食啦～每次換新既鋼線/換粗啲鋼線都係習慣唔到一個禮拜左右，都唔洗only食流質野或者粥狀食物，照食鳳爪呀春卷，不過我係少食左果仁個啲，因為啲食物碎攝牙罅又剩，好煩，取易不取難，食啲乾淨俐落既野就ok了，同埋的確咬合能力會減弱，例如食得比較吃力既大菜心莖既部位 ，除非煮到好「林」，如果唔係，都好難去咬。以為西洋菜煲林哂，好方便食？對我黎講，Nonono，因為西洋菜個啲好多渣，會攝哂啲鋼線or翹住哂啲鋼粒……不過，間唔中啲鋼線真係好work咁令到你啲牙好酸軟痛，個時可以食啲湯麵或者軟身啲既野食。唉，仲諗住箍牙會變得食得好健康好瘦（因為食唔到野）點知習慣左又係back to normal咁食，哈哈！呀，for me, 箍牙最好唔好食啲有 chew口既糖/香口膠，痴住哂咁。P.s.: 其實箍左牙就會好習慣有啲鋼線金屬係啲牙到，冇話飲水會有鐵鏽味個啲，仲反而因為箍左牙更加注意牙齒健康！
