前傳:自白點解會有COOL牙與做矯顎手術的心態 係我小學有牙科保健個陣,在我小五定小六那年牙醫已經話我有倒及既問題,直到最後一年,那個牙醫比左我一張紙,上面是一些網頁與文字...... 我好記得那個牙醫同我講:COOL牙已經幫吾到你解決呢個倒及問題,你係顎骨既問題,要做那個矯正手術先解決你倒及問題,你睇睇以上既網頁吧.... 咁點解而家先黎COOL同做SURGERY?原因好簡單:不外乎金錢與心態問題 要私立做的話:30-40萬走不了......第一,我不是有錢人,就算家人嘔到幾十萬出黎,值咩?為左咁樣,未到必要既階段,值嗎?雖然我的倒及影響深遠,但未至於URGENT.錢吾係萬能,但冇錢就萬萬不能,咩事都要被阻礙,無止境的等...... 另外,家人認為未需要,我倒及情況,不是很很很嚴重那種,但都算係明顯,尤其望我側面同我進食既時候......但還在可接受範圍。當時只得11、12歲的我,心裹即使想COOL想做,還是會有點怕。 所以這件事在我心中永遠是一件未完成的事,周不時會討厭自己,但總算生活得過..... 日子每天的過,轉眼間,已經DSE都完了(2016年),這一件事又再次拿出黎解決了。 不是倒及的你是不會明白:正面望鏡子時不太覺得,但其實都有影響,好似一個苦瓜乾,那個樣,就像,你明明看到他眼耳口鼻幾正常,但個顎,下巴就係令你睇到個人時,會有D出入,總係差D野咁,一看側面...那些側面STYLE相,永遠不是我可以直視的,食野個陣,咬野個陣,下顎合下合下咁,好似異於常人,講野又好似咬字不清,吾洗講個D影響牙齒健康:蛀牙既問題,亦有人係吾會知道COOL左做SURGERY同吾COOL吾SURGERY既前後分別係會有都幾大既變化,你不是我,你永遠不知道。在這裹,我會讓你知道。圖片方面,我會想完成哂呢場永不言敗的仗先奉上BEFORE,AFTER圖。 2016年的8月,拿番個張紙睇,吾再挑選,就第一個醫生,他是白恩庭醫生,DR.DEREK BARAM 他很好,人很NICE,很細心。照哂X-RAY,印牙模個D程序後,他亦明白我的CASE要解決得最FIT既都走吾開做SURGERY,所以我都係考慮呢個方面,經過一輪轉折,最大既療程係 COOL牙>做手術>COOL牙>完成 亦轉介去菲臘牙科到做手術,而COOL牙都係會係番白醫生到,其實幫我開刀果個係實習醫生,風險實有的,但我知,我清楚,我都想做,YOLO!係, 你可能會有後遺症,但我吾想到我老,我倒及,我後悔,吾好同我講咩冇人完美,缺憾美都係美,自然美,同埋吾好話我咩為左令就做埋D非必要既捵術,吾再解釋,點解釋都冇用,你吾係我,你吾會知道我經歷什麼,你吾會明。 那個菲臘牙科態度真係差到一個點(本人立場,純粹個人意見)粗口都吾L想再講,算9數,而家又要再_排過,真係_ _ _ _! 而家要等菲臘再重新考慮我既CASE,因為話說前個月就收到信,預約左我去睇一睇菲臘,但我D_ _!佢話暫時冇得做,要我WAITING LIST,一時我嬲嬲地我話吾L排,打番去約番DR.DEREK BARAM,再睇完,其實佢話若果你有考慮SURGERY既話,呢個係FIRST CHOICE.咁所以,我死死地氣咁,唉,一係吾做,要做就做全部!!!反反覆覆,吾緊要,係兜多左好多路,時間,金錢一去不返但最緊要諗清楚,不會後悔。所以白醫生會再EMAIL去菲臘再約期,因COOL牙同做SURGERY兩邊吾同地方AND醫生,所以要溝通,而家要再等菲臘約睇... 再續~
