路線︰深水埗運動場至嘉頓山 (來回) - p.s. 最後只由深水埗嘉頓中心起行,回程亦由行代替跑長度︰4km左右 (網上資料)靚景︰4星點擊圖片放大 感想︰1) 因爲遲左開始跑,所以未能由原定深水埗運動場起行,由中間既街道開始(近嘉頓中心),路上行人絡繹不絕同埋有好多紅綠燈,係好難跑得順,所以就中途放棄左2) 呢個係叫行山定跑步路線?對於行山黎講,真係較簡單,似係晨運徑多點;而對於跑步黎講,上山路係樓梯,又吾係好似跑步 3) 不過呢嘉頓山算係鬧市中欣賞靚景既簡易「行山」路線一個好地點,睇完靚日落,仲有靚夜景,呢個夜景同飛鵝山、山頂吾同,由嘉頓山望落黎,因爲吾高,呢個夜景感覺係伸手可及,有車水馬龍既馬路,燈火通明既樓房,仲有果度出名既美荷樓同嘉頓中心,用稍高角度欣賞建築物4) 嘉頓中心有外牆維修,所以無得影佢既原貌;幸好仲有個嘉頓標誌點擊圖片放大 5) 由鬧市「跑」過去,吾難搵到橙白色既美荷樓,隔離一條上去既小路,寫住「晨運徑」,然後就爬上15-20分鐘路程既樓梯,半山回望已經有景睇6) H形既美荷樓同嘉頓中心係打卡點;當然吾少得日落同夜景7) 依家山路都有圍欄,睇返網上舊相,無欄杆係影相靚d,不過感覺好似好危險;吾係感覺,真係要小心行近山邊位置,吾能夠掉以輕心8) 人都幾多,簡單易行又有靚景既地點,可以睇靚日落夜景,呢個係預左點擊圖片放大 +2 9) 上到一半已經可以開始打卡,一直行上山頂回望,可以飽覽九龍景色10) 坐係山邊,再影出去成個九龍街景,真係好靚,如果有靚相機,夜景我相信會更靚11) 記得早少少等日落,因爲上得吾高,好快就會睇吾到日落,餘下只睇到藏在樓房後既餘光12) 嘉頓山上既山頂,係一個有好簇新既標高柱,同埋一個好廣闊既空地,好啱耍太極做瑜伽跳舞13) 呢個位既夜景係有另一番風味,如果硬要去形容,係一個好親切既香港味道夜景14) 「跑」左上去,睇完個靚景,美景令我未能回魂過黎,都吾記得本身係想跑返起點了點擊圖片放大 +2 😀欣賞日落、夜景好地點😖似行山路線多過似跑步路線點擊圖片放大