劍橋到底有咩做? 啲景真係幾怡人ga~~ 去劍橋可以搭火車National rail或者搭巴士 National express. 價錢會因應時間，車站地點不同而有所不同，巴士慢但可能分分鐘貴過搭火車，所以出發前做多啲research 今次喺King's Cross 坐火車直達Cambridge, 中途不停站，大約45分鐘就到~! 聽聞係最大最靚嘅一個火車站 指定動作梗係去搵Platform 9 3/4影返張相~ 有埋示範~ haha 如果Harry Porter間舖關左，咁就無道具借你拍，得架吉車~ 上車啦喂! 然後訓半覺就到左~ 入Cambridge"市中心"，可以搭巴士，或者行，行都係唔使半個鐘，梗係慳返啲，行啦！又可以睇景~ 無幾耐就見到教堂 Catholic Church of Our Lady & The English Martyrs 可以入內參觀 行下行，到左Cambridge University Botanic Garden, 收費項目~ 一個好大嘅花園，種左好多當地品種。無乜興趣 :P 走～ 再行另一邊，到左The Fitzwilliam Museum 呢個Museum 無咩主題，就係有世界各地搜羅返黎ge物品，感覺上...好似British Museum放唔哂，呢邊又放啲咁，當然係講笑啦～ 啲展品都幾靚ga~ 一路行就會發現其實成個City 都係大學嘅範圍咁，因為每行一陣就會見到一個個唔同嘅Department 好快行到重點～ King's College! 事前已經做過research, 知佢早關，所以要預早時間去，好可惜... 雖然我好早到，但最後我都係入唔到...輕輕的我走了... 傷心野唔好講，講下其他College~ Queen's College 著名的Mathematical Bridge 數學橋，相傳條橋最初係乜螺絲都無，淨係得啲木都撐得起條橋，然後有班老師學生決定要拆左佢研究點可以咁犀利，但點知拆左又砌唔番，而家唯有用螺絲固定。故事係真係假唔知，不過有人話係牛頓設計就無可能喇，因為唔係佢生存嗰個時期... 而真ge係呢條橋木嘅角度，都係tangent計到／畫到出黎 Mathematical Bridge D 草一年四季都咁綠，假ga ma~! 第三個景點 Trinity College , Cambridge最有錢的College, 話說霍金就係喺呢個College讀Postgraduate~ 不過套戲Punting哥哥仔話多數喺St. John's 拍，因為最靚喎 St.John's College The Bridge of Sighs 最多人講嘅傳聞就係話佢啲學生行條橋去考試，有如意大利啲囚犯行去行刑嗰條嘆息橋，所以跟風叫嘆息橋 但！Punting哥哥仔話係當年Queen Victoria visit Cambridge時，覺得呢條橋好靚，同Veniece 嗰條嘆息橋一樣咁靚，雖然無人覺得似，但無人敢逆女皇意思，所以就叫左佢做Bridge of Sighs la~~~~~~ 呢個人我見好多blog都有佢出現~ 垃圾桶裹的男人~ haha~ 佢彈緊結他唱緊歌ga~~ 講左咁耐，Punting呢? Punting又有段故～ 事前research過上網買Official公司成人一人£13.5, 即場買要£17! 不過其實又有好多非Official團，可議價，所以博一博~! 行到去King's College附近立刻有個靚仔走黎搭訕，聲稱原價要£20, 學生價£15. 見係我地照比學生discount價我地啦～我地梗係唔落搭～我地還價£12, 其實諗住佢會再還我地價，點知佢一口應承左，£12一個人! 早知講平啲tim la~~~ 預約好~ 出發～ 旁邊勁多鴨係咁遊埋黎~~~ 船上看數學橋 影相唔多...因為雙船坐滿哂12個人..有啲迫... 大家都係enjoy下哥哥仔講嘅野，欣賞下風景啦~~~~ 45分鐘左右~ 上船前佢無主動派blanket，好在唔係超級凍, 都頂得順~ 上船差唔多天黑～去埋最後一個景點 Round Church~ 其實好細間，同埋關門lu~~ Cambridge一日遊大致上就係咁~~ Facebook page 漫go英倫 P.S. 好感動上次Facebook開張第一篇文 [英倫] ££££衣食住行£££££，就被Utravel同 Ublog Share左出去~~~好開心~~ 多謝支持~~
