倫敦最出名係咩? 倫敦眼?大笨鐘?大英博物館?白金漢宮? 錯!錯!錯! 出名乜都貴過人! 連當地人都頂唔順咁貴! 衣食住行所有物價統統都好貴,真係貴到難以想像 [衣],有平有貴,算係最貼近香港,最開心係有Primark, 平到笑,一條西褲可以賣£5,牛仔褲£10,一對boot£6-10 都有,當然質素唔會好好,但都唔會差到著兩次就要扔。其他shop呢,一件衫就都係£2/3/40不等,視乎牌子啦,呢邊唔算多小舖,大部份都係香港都有連鎖的。仲有網購,通常有free delivery/free return,睇啱就訂,送到黎唔啱佢比埋回郵信封你入返比佢,好爽~而且價錢都好相宜~~ [食]就慘喇...出街食野睇下食咩啦,呢度唔係好興有set,野食同野飲都分開叫 普通一間cafe價錢同香港差唔多, starbucks, cafe nero, prey a manger, 一杯啡大概£2.5-3,一個cake或者一個wrap就£3.5-5. 聽落唔算好貴丫,同香港差唔多,但係香港你都唔會餐餐咁樣食,呢度仲要關顧埋其他寵大開支,食到月中就一定無哂錢... 到一般餐廳喇,當然睇地區,睇佢出唔出名,以一間最普通ge餐廳黎計,如果兩三個人一齊出去食,埋單一人平均都要£16-20,好啲ge可能包括左一至兩個starter, 一至兩個main course同埋一人一杯飲品; 唔好嘅可能只係一個burger+一個drink就無左成20鎊喇!唔係指磅喎!。嘩~~~~~~~~~~~~~~~~~~~攞唔攞命先~~~一般平民餐廳ja~~~ 再高級啲都仲有~~~不過我無咁ge機會同銀両去囉~~~~ 所以我啲同屋住(local British)都係自己煮,好左屋企有間平價超市頂住~~買食材都算平~~ 一般超市如tesco的話,價錢就同香港差唔多啦~ 呢間平價超市Lidl ~ 啲野就好抵買~ 其實都只係貼近香港... 中價超市就貴啲啲 呢度起碼夠我一個人食三至五餐,但係出街食一餐都唔得... [住] 完完全全depends on你住咩區,住近市中心zone 1的話,租間房閒閒地一個月都起碼£850, 最貴聽過£1200都有,一間房ja wor~~~ 即係shared kitchen +/- shared toilet and bathroom. 有自己toilet/bathroom當然貴啲。好喇, zone 2 呢,啲價錢就好fluctuate 一個月£7/800又有,£600都有機會,視乎交通同配套,同埋房間大細。去到zone 3 就平啲喇~ around £500-650左右,去到zone 4,5,6 幾平都有,因為搭車通常都極唔方便,出市區坐底一個鐘或以上,仲有車錢陣間講,所以除非你計過時間,車錢抵返條數,或者返工返學唔喺市中心,如果唔係住咁遠都幾唔方便~ zone 3, 平民住宅區 [行] 我覺得最攞命就係交通... 唔好講的士,淨講tube 同 巴士~ 巴士基本上定價£1.5,去幾遠幾近都一樣~~~ 如果唔趕時間,搭巴士可以慳到下啲錢,不過巴士係勁慢~~ 啲巴士站某程度上密過香港...真係估佢唔到,然後繁唔繁忙都可以咁啱站站停,所以搭巴士一定要預足好多時間先得 Tube 呢就計zone, zone 1-8 , 搭一程tube最平最平都要£2.3, 呢個價錢係講緊within zone 1 ja wor, 當要誇zone, 價錢就繼續上~~ £2.8, 2.9, 3.1, 4 .....呢個係off-peak價錢... peak hour 又貴幾十pence, 真係痴哂線!! 不過有個"好處" 佢唔會無止境咁扣你錢ge... 當你搭到某一個上限(capping),佢就唔會再收你錢,好似巴士咁,當日你純粹搭bus / tram 的話,capping 係£4.4, 即係搭3程或以上就抵返 如果係tube ( 包埋tube + bus + tram+ train...etc) ,capping又係根據你去幾多個zone, zone 1/ 1+2 capping £6.4, zone 3 capping £7.5, zone 4 capping £9.2, zone 5 capping £10.9..... 所以每日出門口之前,都要諗定今日搭咩車,咩時間上車,搭幾多程,咁就可能可以慳返一個幾p ,買棟菜返屋企煮都仲得ge.... London tube map https://www.tfl.gov.uk/cdn/static/cms/documents/standard-tube-map.pdf