呢排打開Social media,都應該比橡皮鴨 rubber duck洗哂版。我呢早幾日同朋友去咗打卡,不過好可惜係得返一隻鴨仔(updated:好彩漏氣鴨仔返嚟啦) 如果有機會都想去多一次呀,好難得有2隻鴨仔一齊遊水架! 如果唔係呢隻橡皮鴨 rubber duck再嚟香港,其實真係無留意到上次佢嚟香港已經係2013年,即係已經10年!唔知呢10年入面,鴨仔經歷咗d咩呢 XD 佢今次仲要帶埋同伴返嚟,真係好開心! 大家去打卡嘅同時,唔知你又了唔了解佢歷史呢? 巨型黃鴨是由荷蘭藝術家Florentijn Hofman創作的巨型公共藝術品,根據展出地不同,黃鴨的尺寸都不一樣,盡量會於當地製造,希望展出的城市可以一同參與製作,從而增加當地居民對黃鴨的親切感。 咁係咩令到Florentijn Hofman有呢個想法,要橡皮鴨去唔同國家暢泳呢?事源係1992年發生「友好漂浮物」事件,當時一批中國製造嘅浴室玩具喺香港裝入集裝箱船,駛向美國華盛頓州過程中遇到風暴,12個集裝箱因此掉入海中,其中一個裝有28,800隻浴室玩具嘅集裝箱破損,內裡的嘅玩具傾瀉而出,當中包括紅色海狸、綠色青蛙、藍色海龜,以及黃色橡皮鴨。 荷蘭藝術家Florentijn Hofman其他作品: 後來美國生產商發放美國儲蓄債券來獎勵發現它們嘅人士,繼而令事件廣泛受到關注,友好漂浮物的漂流路線由印尼、澳洲、南美洲、以至北極圈、加拿大和英國,路線長達3.5萬里,其中最具標誌性嘅黃色橡皮鴨由浴室玩具搖身一變成為全球關注嘅對象。當年Hofman對呢件事留底深刻印象,啟發出佢創作遊歷世界各地嘅巨型黃鴨。 原來大橡皮鴨背後有個咁得意故事架!小小一隻黃鴨帶比香港人歡樂,黃鴨之父Florentijn Hofman,多謝你呀!