皺紋真係貪靚人士嘅大敵，無論男女都希望皺紋永遠遠離自己，但呢個夢又點可以成真？殘酷嘅現實係，就算未到30歲、40歲，皺紋都悄悄地出現喺額頭、面部及頸部，令外表顯老10歲 >< ，咁有咩方法可以預防及改善皺紋呢？ 抗皺從年輕開始 ! 肌膚喺20多歲正值顛峰，但過30之後膠原蛋白開始減少，代表肌膚已經開始衰老。幾乎所有人，過咗25歲之後都會覺得時間過得太快，眼角細紋多咗、深咗，皮膚鬆弛無哂彈性等等。而一到50歲，皮膚老化現象更急速出現。所以，25歲以後嘅美容護膚工作，應該以抗皺為主。 點解會有皺紋? 皺紋及細紋係肌膚老化肉眼最容易睇到嘅跡象，隨著老化，表皮、真皮層、皮下組織因膠原蛋白流失而漸漸萎縮，唔同深度嘅皺紋及細紋因此產生。時間耐咗，皺紋及細紋會加深到達支撐肌膚嘅真皮層，當真皮失去彈性時，肌膚會變得鬆弛，更深嘅皺紋就開始形成。 皺紋嘅種類係點樣分？ 皺紋可分為2類，靜態型及動態型皺紋2種，前者指喺唔做任何臉部表情嘅情況下，皮膚自然就已經出現嘅紋路，例如：法令紋，至於動態型皺紋就啱啱相反，係經由臉部表情嘅擠壓，肌肉收縮之後所出現嘅臉部紋路，例如：魚尾紋、皺眉紋、抬頭紋等。 動態性皺紋：動態性皺紋係是經由表皮肌肉動作所形成。 靜態性皺紋：膠原蛋白及彈性纖維減少所導致。 去除皺紋妙招！ 第1招：防曬最關鍵日常除使用保濕除皺、抗氧化保養品外，防曬更重要。日曬與皺紋嘅產生係息息相關，遮擋紫外線最有效，防曬功夫做足就可以避免肌膚過早出現老化。 第2招：糾正不良生活習慣側睡會增加臉頰和下巴上嘅皺紋，而趴喺度瞓就會令的額頭紋加深。所以最好都係仰睡啦。而且，快D戒咗揉眼及瞇眼嘅習慣，因為咁有機會增加魚尾紋㗎！ 第3招：克制糖分攝取食太多糖分唔單止會體重直線上升，亦都會出現皺紋啊！因為攝取過多糖分會造成「醣化作用」，令膠原蛋白漸漸流失，因而引起細紋問題。 第4招：眼部按摩眼部四周係最早出現細紋嘅地方，每日早晚一定要用眼霜，令眼部肌膚經常保持柔軟、滋潤、緊緻，有助增加肌膚嘅彈性及防止細紋。 第5招：飲食均衡常吃新鮮蔬果，如：番茄、奇異果、甘筍、西蘭花等，呢d都係含豐富維他命A、C或抗氧化植物食物，再配合減少脂肪氧化嘅維他命E，包括：杏仁、芝麻等，為肌膚築起對抗自由基城牆，維護皮膚膠原蛋白整，減少皺紋出現機會。 第6招：選擇優質抗皺產品聰明女人應該識得用好嘅抗老護膚品延緩肌齡。因此，選擇合適抗皺品係十分重要。保養關鍵就係要對抗衰老、推遲皺紋，針對性地選擇一些補水並含膠原蛋白，能夠增強彈性、促進細胞更新嘅功能性產品，令肌膚回復年輕。 第7招：排解壓力當感到壓力大，人體會向血流中釋放加促衰老嘅激素皮質醇，導致皺紋產生。不妨嘗試放鬆身心，練瑜伽、寫日記、唱歌、散步和打坐冥想，都係唔錯嘅解壓方式，對推遲衰老有莫大好處。 第8招：自製抗皺面膜每星期可敷用自製紅茶抗皺面膜，有助減少面上皺紋及令皮膚變得滋潤。首先將紅茶葉及紅糖(各1勺)一併用水煎煮，待和暖後再放入麵粉攪成糊狀，塗於面上敷約15分鐘，最後用溫水洗淨便可。 若皺紋已經出現就要儘快去保養，以免小皺紋變大變深，平日只要多注意生活中保養，生活起居要規律健康，多按摩肌膚能促進血液迴圈，幫助緊緻肌膚、回復肌膚彈性。
