相信呢個星期都有好多聖誕PARTY，咁當然就要準備禮物啦。我個人認為買禮物都唔係最煩，最考起我嘅係：要包禮物呀！對於手殘嘅我嚟講，真係一個好大嘅考驗呀。唔知睇到呢篇BLOG 嘅你有無同感呀? 手殘都無問題~超簡單包禮品方法 上網搵咗幾個「整色整水」包裝方法，我覺得都可以參考一下，最重要係步驟唔繁複，只要準備好材料就OK啦~ 文青風：如果收禮個人係屬於文青，咁呢個STYLE包裝就啱啦，簡簡單單，但又好有feel~你只需要買一d靚靚嘅植物，例如：尤加利葉、聖誕松、乾花，包完禮品之後用麻繩綁好四邊，再喺繩上面插入植物就完成。花紙最好揀牛皮紙、白或灰色簡單圖案就OK啦。 可愛風：想行「卡娃E」風？咁就可以去$12店買幾款有圖案嘅紙膠帶，包好禮物之後你可以隨心將紙膠帶打橫、打直、打斜咁貼，而且仲可以將紙膠帶配合幼麻繩做成小旗幟，總之可以天馬行空，貼到你覺得靚為止~ 華麗風：呢個方法就比較多步驟，首先包好禮物，然後on top再用透明袋包好禮物，收口位留返一邊唔好封實，之後，將準備好嘅閃片呀、彩色紙隨量加入去，再用膠紙封好。(呢個真係手殘都做到，不過擔心收禮物個個開完禮物之後要吸麈XD) 今年真係好快就完結啦，希望大家PARTY 玩得開心，抽到自己滿意嘅禮物啦~ Merry Christmas!!!!
