新機試做！好耐都無試新嘢啦，作為一個貪靚一族，做得A多又想試下B，縱然A效果好，有新嘅B都係心思思想試架 XD 貪新鮮丫嘛，咁都好正常~ 哈！ 咁，今次我想分享D咩呀?就係有「無痛版Thermage」之稱嘅韓國No.1單極射頻Oligio緊膚，真係拍得住Thermage仲要無痛?係唔係真先?咁就要試一試啦！ Oligio點解會無痛?原理係點架? 來自韓國嘅Oligio同Thermage同樣都應用原理單極射頻RF技術，當能量進入真皮層之後會產生55至65℃嘅熱力，有效刺激膠原蛋白，增加肌膚彈性，令肌膚回復緊緻，更加做到減少皺紋作用。 如果有留意開醫美，相信都知Thermage有幾堅，之不過，同時亦都有唔少人話Thermage好痛、好熱。但係，我自己都有試過最新一代Thermage，感覺上都唔痛丫，只係熱熱地咁，我自己就接受到。咁作為無痛版Thermage嘅Oligio，唔通療程效果又再舒服d? 「無痛」就要多得Oligio內置嘅獨特震動功能及智能噴冷模式，喺儀器頭發放每一下射頻能量嘅同時會喺皮膚表面噴灑冷凍氣體，冷凍時間相比同類儀器長1倍，再加上獨特嘅震動，可以舒緩到RF能量對皮膚帶嚟嘅刺激，即係可以令皮膚無咁痛。有做過Oligio嘅朋友同我講，佢對比起Thermage係舒服得多。 Oligio醫膚效果真係幾Work！之前都有講我係一個貪新嘅人，有新機當然想試。而另一個原因係，我覺得自己法令紋深咗，係時候都要處理架啦，所以，今次Oligio就係我頭號目標啦！ 做得醫美，當然係去返我做開嘅Oasis，服務唔錯d staff又好細心。預約當日，顧問好細心咁了解我皮膚狀況，仲建議我可以集中法令紋位置做提拉，務求可以令皮膚更加緊緻，撫平皺紋。 洗完面之後，就開始做Oligio啦！我嘅第一個感覺係：真係唔痛喎！雖然係會有熱嘅感覺，不過佢嘅冷凍噴霧係即時舒緩返，令皮膚無唔舒服嘅感覺。至於效果呢?只係先做半邊面已經見到個分別，嘩！真係好FIRM，半邊面係緊緻同Lifting咗好多，恨不得快d做埋另一邊面，咁就成個輪廓都sharp哂，仲young好多呀！ Oligio Treatment係用一次性探頭，針對不同部位配備面部、眼部探頭，療方案更靈活更精準，做1次就可以keep到6-12個月firming去紋效果。 總括嚟講，成個Oligio treatment過程、效果我都好滿意，如果大家都有興趣，可以去呢度>>> https://bit.ly/3C26lo1 睇details 呀！ #Oligio #thermage #緊膚去皺 #去紋 #提升輪廓 #無痛版Thermage
