話說，雖然就黎要做人地老婆，但講真，唔通真係唔洗做，等做少奶奶咩？ 今日想講下工作原動力。 我係一個都幾實際既人，一直以黎都覺得多勞多得，世界上係冇免費午餐 會寧願遲交，都唔想交一份hea到唔hea既proposal出黎（當然時間觀念都好緊要啦XD） 對我黎講，工作原動力係來自別人既認同，或者係於工作環境裡認同感既提升 但萬一有壓力，我會將自己放入一個無底洞，唔會有人搵到我，唔會有人可以同到我講野－包括我自己。 呢個情況已經持續左幾個月，幾個月以黎，我一直好唔開心，一直俾自己好大壓力 結果，keep住做錯野，keep住令自己失望、令人地失望，形成一個惡性循環，連響公司講野、開玩笑既moment都唔想多 幸好，同事發現到我近排記性好番好多 其實我都覺得，記性好左既原因唔係因為我食左d咩、食左咩藥醫番好 而係自我調整心態，一路因為壓力而俾自己有放棄既藉口 但原來，積極工作、用心記住每一個細節，先係令到做錯野、做漏機會減少 每日記住自己會做錯野，就只會真係會做錯野架咋傻妹！ keep住正面，先係皇道，哈哈哈！
