作為一個成日運動嘅人，身體肌肉一定會好攰，所以成日都想搵機會按摩放鬆一下，但因為曾經有唔好嘅經歷，所以都唔係好敢自己搵黎試。而咁岩身邊有個一齊做運動嘅friend話佢去做左個按摩療程好正，叫做七輪熱石全身按摩，就拉我去體驗下。見係朋友介紹有信心啲，就決定Try Try佢。 入到去其實環境都好好，都有一種relax 嘅感覺。而一開始按摩師就先帶我做一個呼吸法，先幫我調整番呼吸節奏，令我更加放鬆個人，然後就開始幫我做按摩。其實本人係好怕按摩，因為自己唔係好受到力，以前去泰國都有唔好嘅經歷，好似貼錢買難受，所以做之前都係有啲緊張。不過當按摩師幫我做嘅時候，就真係feel到手法嘅分別，雖然因為肌肉好攰關係點都會有痛，但更多嘅係舒服同按得到位，真係有放鬆同輕左嘅感覺。 之後佢有一part係做熱石按摩，有3種石可以揀 (鹽石 | 冰河玉石 | 熱石)，雖然我聽朋友講通常啲人都係揀鹽石或熱石，但最後我貪得意揀左冰河玉石，因為佢係3隻入邊唯一一隻凍嘅石haha做嘅時候真心覺得夏天其實真心推薦大家可以揀冰河玉石，一來本身自己肌肉應該都有少少傷，冰涼感係幫到我肌肉有舒緩感，二來夏天可以feel到舒服之餘又透心涼真係好爽~ 最後就做青竹穴位按摩，未做之前見到支青竹時真心又驚左一驚 (冇計真係好怕會痛haha)點知做落真係想講，大推比有做開運動嘅你！！！按摩師用手按嘅時候其實已經好好，但用青竹去按嘅時候有啲位係比手更加到位，例如我嘅膊頭位，用青竹按完真係有一身輕，冇再有好繃緊嘅感覺。今次按摩整體比我既感覺都係幾唔錯，無論服務、衛生同環境都算係不錯，所以都值得去試下。而且做完之後其實我都心動想join package，因為運動真係要同按摩去佩合先做得更好，而又咁岩搵到個夾嘅按摩師。咁佢地都真係sell 番我睇到嘅價錢，同都有share 其他treatment 比我聽下，不過因為最後我資金有限冇join到，佢地都唔會chur我，可以直接走。因為今次係我朋友話做完幾好就拉我去試下，所以我冇自己做功課睇評價。不過去完之後都想了解下佢地其他treatment，結果一搵就見到好多MIRIS SPA黑店嘅comment，我就同番我朋友講， 佢就話可能係一啲打手做嘅文章，未必係真實comment。 不過其實我自己試完就feel唔到黑店嘅問題，反而做完成個感覺都好好。(雖然真心講，如果唔係朋友介紹而自己上網睇到嘅話，我都未必會去...真係明白說話嘅力量真係可以好大好影響)
