呢間超人氣麻糬波波麵包店，呢半年黎係社交媒體上狂風式地超瘋狂不斷出現，不斷地有人讚好，大量食評不在話下，仲有好多人拍片介紹。雖然每次去銅鑼灣都想去買返幾粒一睹風範，不過次次去親門口都會比佢長長既人龍嚇親🤣。轉角的小店，由熱潮一開始，第一次經過小雀躍地諗：嘩今日咁小人排咁好彩－點知原來係為左唔阻住其他店家，條人龍長到排去燈籠洲街市門口。。。保守估計應該排最少一個鐘，自問冇呢個毅力啦。自此每次經過都會去睇下多唔多人排，不過每次都會望門輕嘆。如是者，直至前幾日下雨天經過，竟然見到只有十數人！雖然都係要等，但起碼望見終點嘛🥹，於是。。。決定排埋一份：）🙈. “JAMES BON BON BAKERY“之所以咁出名，係因為由曾經任職四季酒店的餅師主理。麵包店大熱既係招牌菠蘿皮麻糬波波。而家轉左排隊位置係對面街，排排下會有個職員俾張籌。等下等下，十幾人都用左接近２０分鐘先排到。每人每籌限買６個，咁難得排到，即刻買返６個返去分享。買緊時職員會問有流心波波要唔要埋，基本上係你咁難得先排到既情況下，佢問係加咩咩咩都好大機會會答應。.於是，高高興興地拎住當刻出爐既原味、綠茶同朱古力味麻糬波波同一粒菠蘿流心波波離開。拎到返屋企品嚐都已經係幾個鐘後了。一定冇剛剛出爐咁香，外型仲扁哂添。不過用左咁多腳骨力換來，應該會好食既😂. 📌原味麻糬波波 $15/2食落就明白點解佢會咁紅。因為佢既麻糬質地同口感都同其他店有分別。“JAMES BON BON BAKERY“既口感係實淨但又做到軟燸好咬既感覺。你會覺得佢既質地好綿密，但又可以維持軟熟既感覺。不過原味係入面最普通既一款﹐因為佢雖然充滿麵粉香，但佢比起其他款式真係差左一樣佢既招牌－就係差個菠蘿皮啦！. 📌流心菠蘿皮麻糬波波 $10流心菠蘿皮入邊係包住啲忌廉營造出流心軟滑既感覺。菠蘿皮就算係唔新鮮出爐，都保持住脆脆嘅感覺。菠蘿皮充滿牛油香，脆脆嘅表面加埋軟糯嘅內涵，仲有忌廉嘅香氣，終於明點解咁多人排隊。. 📌抹茶脆皮麻糬波波 $10抹茶皮薄薄脆脆一層，但係都好濃味。抹茶味嘅脆皮混和著麵粉蛋香味嘅麻糬，竟然有啲合桃酥既質感😂.📌朱古力脆皮麻糬波波 $10萬人迷朱古力，淡淡朱古力香，唔係超濃味，如果可以再濃啲朱古力味就very good啦😂.總括嚟講，其實呢個麻糬又真係幾好食，不過下次如果再少人啲排隊賣得快啲就更加好啦！😂如果下次經過而冇乜人排隊，我會再買㗎 ！😆😆.⭐必食推介: 流心菠蘿皮麻糬波波⭐評分: 7.5/10.✨ James Bonbon Bakery ✨📍銅鑼灣邊寧頓街9-11號登龍閣地下C1號舖🏷 @james_bonbon_bakery#kmcmfood #kmcmhk
