相信好少人可以抗拒甜品既滋味，而且有咩好得過一路食甜品一路養顏呢！😝最近經過又一城見到一間幾適合小打卡既舖頭，望望下發現原來有賣甜品，再望望下就見到佢地主打既燕窩梳乎厘卷！甜品食得多，不過可以一路食一路靚就真係好少見啦哈哈！於是嗜甜既小編﹐毫不猶豫地帶左三件返屋企啦～ . 梳乎厘卷有多款既特色口味，身為茶控小編，兩款茶類梳乎厘卷一定係候選－分別係抹茶同焙茶。店員仲介紹俾我知每件燕窩梳乎厘卷足足有 3.5cm 厚，仲件件內藏足料 3g 燕窩，啖啖滋潤養顏架😛聽到呢度就梗係買埋牛乳梳乎厘卷俾鍾意牛奶味既媽咪試，實行要靚一齊靚！🥰🥰通常叫得北海道牛乳一定牛奶香十足，諗起都期待呀！ . 📌燕窩北海道牛乳梳乎厘卷 $48 返去影左幾張靚相就急不及待要試味了！😂每件卷蛋都好貼心地係盒內附上一支甜品叉，切開梳乎厘卷既質感軟軟綿綿﹐而蛋糕質地綿密，入口輕輕地就化開～而牛奶忌廉真係好香濃既牛奶乳香味道，但同時忌廉口感輕盈，甜而不膩。唔知點解小編雖然鍾意食甜品，但人愈大愈怕高甜死甜超甜既味道；LHK既梳乎厘卷調味就剛剛好了，用上低糖配方，軟綿蛋糕配合香濃忌廉真係一種享受既時刻❣️ . 📌燕窩宇治抹茶梳乎厘卷 $48 抹茶梳乎厘卷抹茶濃度好高！一入口勁香抹茶味道，勁濃抹茶味！如果好鍾意濃茶，即係好似茶控既小編咁就好開心啦。不過媽咪唔係好飲濃茶，對佢黎講茶濃就變得有ｄ苦。所以如果你係好鍾意茶既話，宇治抹茶梳乎厘卷一定要試！濃濃抹茶蛋糕卷加上濕潤既抹茶忌廉，係咁多款黎講係小編既NUMEBR 1:) . 📌燕窩焙茶梳乎厘卷 $48 焙茶梳乎厘卷入口第一下都係好濃郁。「焙茶」顧名思義是焙煎過的茶葉， 香氣濃郁，卷蛋一入口就令口腔充斥滿滿焙茶香。香氣過後就係啖啖既忌廉味。因為佢帶有茶香既苦而後續又有忌廉既甜，焙茶梳乎厘卷算係小編心中呢３款梳乎厘卷味道入面最中庸既味道。 . 至於燕窩味呢，燕窩本身無味架嘛傻豬豬黎既😆～不過你見到忌廉入面一絲一絲咁，相信就係燕窩啦：） 食完之後，口腹滿足左，希望個樣都容光煥發左啦～ . ⭐必食推介: 燕窩北海道牛乳梳乎厘卷，燕窩宇治抹茶梳乎厘卷 ⭐評分: 8/10 . ✨ LHK Doux Cadeau ✨ 📍九龍塘達之路80號又一城2樓18號舖 🏷 @lhkdouxcadeau #kmcmfood #kmcmhk
