【生猛海鮮流水蝦任食！】.黎之前都唔止一個朋友讚過呢一間海鮮好好食。所以帶住一個都幾高期望嘅心黎食，果然冇失望！網上平台一個星期前訂位，三個朋友齊齊食，結果一致好評！.📌放題任食 $388流水蝦、生蠔、帶子、蜆等等嘅海鮮任你食。流水蝦養住喺個缸入邊，游緊水㗎，夾起蝦拎枱面上面嘅冰水筒嚟浸住，用意係冰暈啲蝦。流水蝦勁新鮮，後尾啲冰融晒，就算夾完上枱，都彈下彈下飛到啲水周圍都係。流水蝦真係好新鮮，秒速冰暈咗再拎去燒，肉質真係特別彈牙好食，就算冇咩調味都已經勁香燒海鮮鮮味。出面仲有啲調味料，如果你覺得唔夠味，加勁多豉油蔥蒜就完全提升另一層次啦！ . 除咗流水蝦，其他海鮮都好新鮮㗎，開晒蓋放喺出面任夾，啲貨去得好快，又不停加，所以啲海鮮都keep住好新鮮，海鮮新鮮就係無敵，即使呢個放題價錢算係中價位，但係海鮮新鮮就真係加晒分，好抵食。. 除咗海鮮，佢仲有一般嘅肉類菜類俾你燒，扒啊丸呀菇啊腸啊呢啲燒肉走唔甩，全部啲貨都係好食嘅，再加埋熱盤，麵檔，仲有啲炸物添！其中炸物有款炸蝦片，完全係食印尼炒飯嗰隻香口炸蝦片，勁好食！嗰晚除咗食海鮮，我食得最多嘅就係炸蝦片。不過炸物個爐唔算好保溫，所以拎返嚟嘅時候，最好都拎埋個錫紙兜放喺燒爐上面熱一熱佢，咁個味道熱辣辣就最Perfect啦。. 順帶一提，呢度有泰國冰甜品，泰國味呀！椰子味雪糕好香，仲有黑糯米雪條好正😍😍.食物味道非常滿意，自己喺個缸夾蝦返嚟燒又有新意，係滿足嘅！不過環境略嫌逼夾咗啲，好彩三個朋友一齊食，一個負責燒，一個負責拎，一個負責食，分工要分得好好。如果得兩個人嚟食，可能就有啲忙啦。😂.⭐必食推介: 海鮮！🌊⭐評分: 8/10.✨ 泰.夯蝦 (諾士佛臺) ✨📍 尖沙咀諾士佛臺1號1樓🏷 @泰.夯蝦#kmcmfood #kmcmhk#kmcmfood #kmcmhk #hkfoodie #hkiger #hkblogger#hkfood #foodphotography #hkfoodlover #foodstagram #香港 #香港美食 #香港美食指南 #hkeat #hkig #尖沙咀美食 #泰.夯蝦 #流水蝦
