【紅葉茶屋】 .留喺香港冇得去旅行嘅日子，放假梗係要搵啲異國休閒氣息濃厚嘅地方去玩啦😂今次我哋專登一探屯門，去咗充滿歐式風情嘅黃金海岸歇一歇。😆黃金海岸出名建築物靚，不過餐廳就得幾間選擇，見紅葉茶屋人少少，定價又唔算太高，一於就試試佢啦。.其實紅葉查屋有幾間分店，旺角T.O.P都有間。記得幾年前食過一次，唔係太出色但係都唔太差。放假主要都係想休息吓睇吓風景，一於搵間輕鬆少少食耐啲啦。. 📌牛肉壽喜燒定食 $128其實我好鍾意食壽喜燒，壽喜燒嘅醬汁甜甜地配埋牛肉既牛脂味，又真係幾好食㗎。所以通常如果間餐廳有壽喜燒，而嗰日我又冇乜心水要食咩嘅，通常壽喜燒就係一個比較穩陣嘅選擇。今次嘅壽喜燒定食包埋飯啊前菜啊牛肉鍋啊，睇落就唔錯嘅。佢另外仲有一份溫泉蛋，本身諗住放落個鍋度熱熱地整到半熟蛋咁，點知原來個鍋都係暖架咋。你當係一個普通日式餐廳牛肉鍋，唔係超好食但都接受到嘅質素。牛肉偏鞋身，不過勝在肉味都夠，醬汁一般濃度唔算太甜，同朋友坐低傾吓計食吓都滿足嘅。. 📌照燒雞肉定食 $108A先生叫咗個照燒雞肉定食。我偷咗件雞肉黎食，其實都係雞扒嚟嘅。雞扒切件查埋照燒汁，個餐都係暖嘅，你唔好期望係熱辣辣上枱啦。雞扒都係肉質有啲鞋，不過甜甜地嘅照燒汁撈飯都OK 。值得一提嘅係反而係個前菜有少少辣都幾惹味。. 📌自選芭菲 $88自選芭菲就真係有少少伏啦。個雪糕上到枱都已經溶溶地，唔係我影相影得耐，而係一上枱已經溶緊🙈我都唔expect佢有啲咩驚世味道嘅，不過溶溶地就真係接受唔到。究竟啲職員放咗啲餐喺出餐位幾耐先拎過嚟，明明間餐廳都唔係好大，但個芭菲都可以搞到溶溶地。你話間餐廳唔收+1服務費嘅話我就expect佢冇咩服務姐，而家點餐自己手機點，嘢食你又上得咁慢，咁你做乜要收服務費，不如我自己出去拎啦。. 📌Damm Lemon $48📌Kopparberg $48啤酒呢就係水果酒嚟嘅，檸檬酒同柚子酒都幾好飲。不過入貨嘅嘢，好唔好飲都唔關間餐廳啦，酒黎講雪夠凍得㗎喇哈哈🤤.如果你話輕輕鬆鬆想食餐飯，紅葉茶屋都係一個幾好嘅選擇。因為佢有卡位都幾好坐，喺一個黃金海岸咁輕鬆嘅環境之下，食返餐輕鬆輕鬆飯。.⭐必食推介:隨心，鍾意食咩就嗌啦😂⭐評分: 5/10.✨ 紅葉茶屋 (黃金海岸商場) ✨📍 屯門青山公路1號黃金海岸商場地下33號舖⏰ 1130-2200🏷 @紅葉茶屋#kmcmfood #kmcmhk#kmcmfood #kmcmhk #hkfoodie #hkiger #hkblogger#hkfood #foodphotography #hkfoodlover #foodstagram #香港 #香港美食 #香港美食指南 #hkeat #hkig #屯門美食 #紅葉茶屋
