【風味居酒屋🍻街頭串燒】 .新年伊始，２０２２年第一次同大家見面，祝大家２０２２年身體健康，食極唔肥‼️２０２２年想改一改食評風格，希望大家睇得舒服啲😚多謝大家一直既支持，請繼續支持我地KMCM💕有咩建議歡迎留言俾我地哦～.節日係最好約朋友食飯既日子！今次朋友揀左乾杯食串燒，一講乾杯呢個名，就諗起台灣人氣錫錫燒肉店😎應該唔關事既，但諗起旅行就開心😂.因為都約得即興，個日平日７點Walk-in去就只有戶外位。諗住戶外就可以冇咁大陣燒烤味都好呀，點知原來戶外係後巷加幾張臨時木枱。基於都肚餓而後巷睇落都算乾淨，我地一於當食埋風味啦😂. 📌燒茄子 $68茄子用黎燒真係冇得輸！燒茄子開半再用上大量蒜茸牛油一齊燒，啖啖入哂味！茄子既特點就係軟淋淋，夾起一梳梳茄子肉再配上大量蒜茸，重口味人士必點呀！. 📌燒焦糖日本甜蕃薯 $38超好食！日本小蕃薯甜度高，再用焦糖既方法去燒就更甜蜜！焦糖面蕃薯咬落脆口，每一啖都索索聲😍😍. 📌燒牛脷 $52牛脷算厚身，不過唔爽口。細細片咬落過癮，勝在調味夠香，黑椒味好出。. 📌燒明太子玉子 $38玉子上面加上明太子沙律醬，明太子醬少少咸少少辣味，令燒玉子提升去到另一個層次。. 📌燒日本甜年糕 $38年糕面燒得甜甜痴口，鐘意食甜既會好滿意。不過年糕本身其實得糯米味，比較淡口，咬到入面會覺得無咩味。應該都係因為其他野食都比較濃味既關係，相對年糕既味就無咁出啦～不過剩係以年糕黎講，本身年糕比較痴牙，燒年糕既口感都幾得意🤤. 📌燒黑墨魚台灣香腸 $39台灣代表台灣香腸！一條切開一份上，係台灣夜市既味道！不過換返做港幣就好貴啦😂😂NT39食到一條，而家HKD39都有少少肉赤🙈唔緊要啦去唔到旅行頂住癮先囉科科～. 📌燒明太子雞柳串 $38雞柳唧明太子醬。雞柳燒得比較柴左啲。. 📌燒雞皮 $35好香口呀！雞皮本身係油脂重既食物，燒過之後變得脆身，食緊薯片既脆度，但有雞皮獨特既香味，食得過呀！.📌烤雞腎 $35雞腎爽口帶黑椒味。有啲硬不過都唔錯-～. 📌燒多春魚 $35多春魚調味唔多，唔知點解燒到有啲苦。.串燒本身要花心機慢慢燒，定價一定唔平架啦。同朋友飲住生啤吹下水係過癮既。餐廳氣氛好好，食客情緒都比較高漲？！熱鬧就係串燒店既特色🌝本身仲有個燒菠蘿不過等左好耐，問店員先知漏咗單。如果你係煙民，後巷呢啲位置啱哂你地，因為基本每一枱都係食住煙又食串燒🙈加上通風又當風嘅後巷，啲煙味周圍飄避都避唔到。對於我同朋友非煙民黎講就食得好辛苦。本身想避咗啲燒烤味，但變咗食二手煙。如果你唔係食煙嘅話，都係乖乖地訂枱坐返入面啦。.⭐必食推介: 燒焦糖日本甜蕃薯🍠、燒茄子🍆、燒雞皮🐓⭐評分: 6.5/10.✨ 乾杯串燒居酒屋 (漆咸道南) ✨📍 尖沙咀漆咸道南123號地下G, H舖⏰ 1800-0000🏷 @乾杯串燒居酒屋#kmcmfood #kmcmhk#kmcmfood #kmcmhk #hkfoodie #hkiger #hkblogger#hkfood #foodphotography #hkfoodlover #foodstagram #香港 #香港美食 #香港美食指南 #hkeat #hkig #尖沙咀美食 #乾杯串燒居酒屋
