從前，有幾舊豬肋骨先生，配上甜甜地嘅燒醬小姐。好食，好多豬肋骨街坊都話，大多數豬肋骨係配燒醬，好食就夠。而豬肋骨亦以為佢同燒醬就咁平平淡淡渡過餘生。 命運，從來都是出奇不意的，有一日，豬肋骨配燒醬，遇見了溶芝士妹妹，本來芝士妹妹同燒醬小姐，以為佢地會天各一方，老死不相往來，但係夾夾下，佢地覺得，其實佢地係夾到。豬肋骨用燒醬入左味，再用燒焦既芝士包住，甜甜咸咸，原來對食個個黎講，係多重味覺享受。 芝士妹妹話，應該可以有更加多更特別既變化，於是佢搵黎泡菜炒飯朋友，配上芝士妹妹濃厚芝士味，再包裝下，搵鐵板叔叔奉上，應該會好好食。 結果，一個好有誠意又好食既午餐就誕生了～ 嘻嘻，講左咁耐，其實呢個午餐，的確係喜出望外。因為我係個好怕口感會乾既，所以多汁真係好好味。鐘意芝士既朋友唔會失望！泡菜夠香，鐵板熱上容易散發香氣，豬肋骨都算腍。不過如果同心儀對象食，都係唔好叫呢個，因為幾難切下。畢竟你要撕裂咬開豬肋骨個樣，都係唔好係戀情萌芽緊個時嚇親人~ 作為cafe,咖啡都好重要。跟餐咖啡走甜，都幾唔錯！濃濃啡味唔苦唔澀，好滿足！ 觀塘有呢間新cafe，真係算區內少有質素啊！ _____________________________________________________ 小火焰韓式咖啡餐廳 Aidan Korean Dessert Cafe 地址 觀塘觀塘道410號觀點中心1樓1號舖 Shop 1, 1/F, Kwun Tong View, 410 Kwun Tong Rd, Kwun Tong
