今次旅行，又是一個新體驗。為什麼？第一，除了讀書時會參加交流團考察團咩咩團之外，其實未試過多於三人去旅行。因為時間實在太難夾，A朋友請唔到假B朋友唔想去呢個地方，總會有種種原因導致小旅行團出現，即使畢業旅行，其實都係兩個人仔遊歐洲。所以今次七人旅行團，其實真係好新鮮兼難得的體驗。 第二，其實今次的而且確是自由行來的。機票住宿行程運輸交通全部都係自己搞掂，不過呢個自己，並不是我自己，而係其中一個好可靠的團員朋友一手包辦，全團團員基本上由訂機票到上包車去墾丁，什至去到後面自己去咩景點基本上一無所知，大家都只係知道4號出發去墾丁，7號返香港：）呢種一無所知的自由行，好有趣，所以我由上機到返香港，我都一直話自己真係好似跟團，而呢個領導兼導遊兼財務大臣，是無薪的哈哈哈～ 由二月頭訂機票到三月頭出發，都好期待墾丁有幾靚，同一班人去旅行到底係點。呢班朋友，其實係識左半年但又密集式見面去左兩個camp經歷左好多既朋友。我在墾丁天氣晴，we are ready!
