講左好耐,好耐,終於可以排除萬難去到韓國旅行喇~ 第一次去韓國,梗係要著住韓服去景福宮影下相啦 所以第一樣要同大家分享嘅,就係韓服體驗。 - 去旅行之前,都已經爬左好多文。 大概都要睇下邊間近,價錢,質量點咁,最後就揀左《西花韓服》。 大家係Instagram Search Hashtag #西花韓服,都會睇到佢地啲韓服真係好靚好少女。 - 地點位於景福宮站 4號岀口,直行2分鐘就到(隔離有間士多仔) 不過要細心望清楚,間野係轉角位,都容易會Miss咗。 - 個陣到景福宮站都已經差不多中午了,入到去,其實我都好心急。 上網話要靚嘅款式就要早少少到,因為一開門就會比人借走左。 不過可能我去嗰日係星期一啦,去到都吾算多人。 店內一眾店員都好親切,有識講普通話同廣東話嘅店員。 想要咩款式,有咩需要,都可以直接溝通! 初初都驚揾唔岩Size,畢竟韓服都要岩岩好唔掂地先靚架嘛。 但原來 For Below 160身高女仔嘅選擇係好多架! 有皇族款,貴族小姐款,大長今款式等等⋯ - 自己原先係揀左粉紫撞粉紅色嘅,不過店員姐姐話呢套可能會有少少掂地。 苦惱左陣,店員姐姐知我想要套粉紅色嘅 突然就從後拎左套 白色撞粉紅色 嘅比我 一拎上手真係愛不惜手,整個配撘都係我理想中嘅Dream Dress 比起絲裯同雪紡,我覺得《西花韓服》嘅紗質質地係好特別 啲暗花Details位做工好好,成條裙都感覺高檔咗又唔會太Over:) - 揀好衫,店員姐姐就會幫您著。 一人有兩次試身機會,超過兩次就需要另加每次2,000韓元,所以揀衫時最好揀岩先叫店員幫您著。 著好,就可以去隔離化妝間揀頭飾同小袋子 台面上有唔同嘅直髮、曲髮夾,可以自助隨便用 如果想扎大長今頭嘅,揀好頭帶可以叫店員幫您整 - 搞完一大輪,最後就係比錢喇 價錢 租4個鐘就18000W (大約HK$130,視乎匯率);您亦都可以選擇租一日就28000W 而租韓服係要按金的,有兩個選擇: 1.護照影本和押金50,000韓圜 2.護照正本和押金10,000韓圜 - 搞掂好,就可以行去景福宮了。 一般入場費係3000W,不過如果著住韓服就可以Free。 點擊圖片放大 +2 去到景福宮,見到有當地小學生嘅遊學團,有外國遊客團等等,非常熱鬧。 其實都係周圍行下同影下相咁,我個人覺得租 4個鐘就夠,如果唔係要著去其他地方影相,淨係去景福宮既非常充足。其實我都係逗留左個半鐘就走去還衫了,因為9月嘅日抖都仲係好曬好熱,戰鬥左個幾鐘我都覺得差不多了。不過好開心最後都影到自己滿意嘅相!