今日呢,不如講下MK POP啦! 對於「MK」呢兩粒字,無乜人會特別想同佢扯上關係。 不過老實講...「MK」呢個文化,又真係香港獨有。 有邊個無MK過? 有邊個係唔係聽MK POP大既先? 近期... 咩... 話E-KIDS回歸香港歌壇喎~ 果然係踩唔死既小強,強行同GD世紀合照之後 依然係唔肯放棄樂壇,堅韌如越王勾踐卧薪嘗膽!利害! 大家對佢地最深既印象, 一定係「何時我會妒忌 我會擔心魔鬼搶走你」 到到依家都仲識唱,仲會覺得啲歌詞好正好岩聽。 但除左抒情歌之外,其實E-KIDS係個跳舞組合黎嫁! (--- 咩話?!) - 文迪我最記得既...係 E-KIDS同 EO2 SISI 既《魅力移動》。 比幾句歌詞remind下大家! 「一分鐘贈我一分鐘 保証我有觀眾 可以各有觀眾 捧場 將魅力左右右左移動」 依家聽返都仲覺得OK,一打開個MV... (頂!咁MK既?) 不過嗰個年代其實呢啲跳舞快歌真係好Hit! 記得嗰陣細個覺得E02成個黑社會咁既款都似係紅唔起嫁喇 (.....唔好鬧我) 不過佢地呢個Image造就左Otto 同 Eddie 之後既路 係大台拍劇都似乎撈得OK,邊有人夠你地似黑社會大佬阿! 好可惜呢個組合都唔會再一齊闖盪江湖。 - 有冇一首歌係好代表到MK時代? 文迪覺得MK POP好多時都係啲唱開「快歌」既組合。 你幾可話Eason係MK POP阿? 而快歌入面既表表者呢? 一定係「油,不是80年代」!「心急人上」。 想當年Cookies 紅到同 Twins有得揮嫁 乜野九個女仔一隻鬼,到之後4塊餅碎單飛,Stephy彈起,創左一首又一首唱K必點既歌。 你話Stephy,Kary,Teresa同Miki係咪要多謝另外嗰5塊餅碎先? 好可惜依家都見唔到佢地重組 最多都係結婚,大時大節,夾到8塊出黎唱兩句咁囉 ... 咁北上發展嗰塊呢? 我諗我無興趣知-_- 傳聞佢地不和到以後無friend做 LOL 一路都覺得Stephy好pure好true 不過查實佢曾經有段時間都係走性感路線既跳舞歌手 《no one knows》同《花小姐》喎!你地唔係又唔知阿?! 因為佢啲快歌全部都唔紅,所以係唔應該歸類為MK POP的。 Stephy依家多數都係唱慘情慢歌,估計以後都應該唔會再唱快歌 往事只能回味,大家唯有係YouTube煲返算啦! - 要數MK POP, 以前MK POP 啲歌詞都幾九唔搭八,不過又真係會入晒腦! 講到呢個Point,我諗起3T出身既Yumiko 鄭希怡。 其實Yumiko 出道嗰陣係被打造成為跳舞歌手, 以前Mandy蔣雅文仲未紅嗰陣,最出名既就係Yumiko。 細個聽佢首出道曲《相對濕度》真係覺得佢好鬼索 不過依家聽返就會唔知佢究竟唱緊乜, un黎un去都係嗰兩下。 btw 佢既特色係 「將啲歌詞唱到好似無歌詞咁」 佢有好幾首快歌都好經典。 例如《阿拉伯市場》 「願意換情人嗎?肯不肯一隻駱駝換了他」 幾搞笑嫁首歌~ 但原來呢首係Wyman同Eric Kwok既作品黎既 我唯有好膚淺地咁講,呢首歌應該都係一首幾有深度既歌黎既... - 以上都係一啲大家熟悉既Artist。想問問... 喂,有無人識女生宿舍? 真心覺得自己好old school-_- 又係N年前既組合。 除左「心急人上」之外, 我覺得「換個話題」都係有一定既MK POP 元素。 --> 快歌,無深度既歌詞,洗腦式副歌,不斷重複又重複 D舞吾洗跳得勁,比人知你係跳緊舞is okay 起承轉合都好有MK POP既味道 好可惜佢地唔紅 好似唔係好多人記得呢首歌 係女生宿舍入面都幾Like Toby嫁! 男仔頭得黎,其實把聲同個樣都好有辨識度,跳舞都好落力 雖然佢係皇馬掛,係大台高層既女,不過啲戲又唔係真係咁屎既.. 早排電視重播《使徒行者》都覺得佢啲戲OK 不過可惜依家離開左tvb,似乎都無乜機會再睇到佢既演出 但呢首「換個話題」都算係佢一首代表作! - - 對於MK POP,相信大家心目中都會有幾個組合同幾首歌 其實仲有好多好多,不過我實在太長氣,越講越遠~ 有待下次再同你地分享啦!:) - 題外話: 原來話咁快呢個blog就hold左個幾星期。 雖然我update既速度好龜速,不過真心好多謝有睇我文章既你地:)