眼部皮膚的問題一直都好困擾住我，由細到大我都有一個好大既眼袋同黑眼圈，試過好多既眼霜同眼精華，但都好似無咩好大的效果…前個排實在頂唔順，就打算試下市面上既眼袋槍療程！之後簡左兩間唔同既美容公司去試下，想知道邊間先係真正有效既話，就要繼續望落去啦！第一間：Minus眼晶晶‧眼周大洗底療程第一間係一個朋友推薦比我既，佢平時都有係Minus個度做開facial，而且都有做過眼袋槍療程，我見佢做左幾次之後，對眼望落都精靈左好多，唔會好大個黑眼圈同眼紋！加埋呢位朋友同我講絕對唔會sell，叫我可以安心咁樣去做療程都得咁話。但我當然唔會只係聽佢講完就信到十足十啦，我自己都有上佢地網站望下既，原來呢個療程係運用左英國 Ultra 360 第四代超頻袪紋技術，結合左超聲波既穿透力同埋單極射頻，可以有效咁加熱眼周皮膚下面5mm既位置，令到熱力提高到42-43度，從而激活眼底既膠原蛋白增生同血液循環，令到眼周既皮膚變得緊緻有彈性！其實Minus既位置都叫就腳，佢地有3間唔同既分店，分別係位於銅鑼灣、觀塘同尖沙咀，而我就簡左位於銅鑼灣既分店去試做，貪收工即刻去做夠方便，不過一上到去先知道係地獄既開始…因為一上到去之後，Minus既服務真係要用伏來形容，朋友所講既唔會sell，絕對係假既，一上到去，知道我係上來試做去眼袋療程，就即刻拉我入房，有個顧問同我講而家做緊優惠好平，問我要唔要加錢升級一個更加高級既療程，大約加一千左右，之後講講下又話我d皮膚好乾無咩水分，不如一次過做埋皮膚保濕療程。原本我就完全唔想理佢既，但由於佢不停咁講實在係有少少煩，而我又定性唔夠，最後都加左$2000幾…做埋個面部facial入到房做療程，治療師又真係我見過最求其既一個，之前都有係唔同既美容中心做過下機，雖然就無做過去眼袋療程，但我都有做過其他唔同既面部facial，都未試過有一個會咁hea。個治療師一野叫我訓底之後，就帶部機出來疑似想開始幫我做機咁，但實際上我係未落妝…真係嚇鬼死我，之後我大大話我未落妝架！！佢先有少少尷尷尬咁答我係咩，再用落妝棉幫我求其抹左幾下對眼…所謂既眼袋槍療程，都係非常之hea既，治療師大約係我眼周附近用探頭按摩左幾下，我估成個過程5分鐘都無，佢就已經同我講做完，真係快到講都唔信，做完之後我用鏡望左望對眼，其實又唔覺得有好明顯既分別，眼袋同黑眼圈係一樣咁大= =仲要我比多左幾千做facial，又完全無咩效果…所以我都有少少懷疑我朋友推薦比我係咪玩我了…第二間：New Beauty I-Perfect 眼袋槍療程由於第一間比我既感覺唔係幾好，咁我自己都唔再叫朋友介紹啦，反而覺得自己上網search可能仲會好d？之後我係網上自己研究下邊間眼袋槍會比較好既時候，就發生有唔少人都提及到New Beauty呢間公司！原來New Beauty係一間大型既上市美容集團，而且入面既機器都係經過國際認證，係可以安心既，加埋我發現網上有唔少有關呢間公司既好評，同埋全部都係真實素人既評價，我見有埋前後對比圖，又真係做完之後，個個都變到眼bling bling，雙眼有神，又無咩眼紋同黑眼圈咁！最吸引到我既係第一次仲有得免費體驗架，姐係試到適合自己，先再決定要唔要比錢買package都得！於是我即刻就係網上登記左佢地既免費體驗優惠，大約5分鐘已經填好左資料，唔洗等好耐就有專人打電話比我，同我confirm booking！其實當日上到New Beauty比我既感受都覺得好好，staff 知道我係上來做療程之後，即刻比我坐底仲比左熱茶比我，唔洗等太耐，大約5分鐘已經填好所有資料，跟著有人帶我入房！我以為係已經要入房去做療程，原來仲會見一個美容顧問，佢會幫我好詳細咁幫我做一個皮膚分析，我先了解到原來我既眼部血液循環係極差，所以先會有咁深既黑眼圈同眼袋…而i-Perfect 眼袋槍療程運用無痛電波拉皮技術，配合獨家既探頭，就可以幫眼部皮膚加熱至75度，從而激活眼周肌膚的膠原蛋白增生，同埋促進反眼周既微循環，咁就可以排走反眼部既毒素同埋水腫。其實試做既時候都唔會話好耐，大約30分鐘左右都做完，但治療師今次就好細心，知道我係第一次上來試做，好細心咁同我講解反每一個步驟，同埋知我有化妝，都有幫我清潔得好乾淨，之後用一個眼部專用既探頭係我眼周皮膚度loop下loop下，感覺暖暖地都幾舒服，有幾下我都差少少訓著左，就算係免費，治療師都一d都唔hea，做完療程之後，望一望塊鏡，明顯個眼袋同黑眼圈都細左，好有驚喜！完成完療程之後，治療師仲有好細心咁教我點樣護理眼部皮膚先係最好，都有輕輕提過呀而家有咩優惠做緊既，但就唔會強逼我要join！我自己試完之後，都幾推薦New Beauty，如果大家都有興趣既話，不妨click入去下面連結登記，體驗下呢個眼袋槍既療程！立即登記：免費體驗 New Beauty I-Perfect 眼袋槍療程
