話咁快就上咗差唔多一個月韓文堂, 今個星期要面對重重難關 星期一有一個小測驗同一個分組嘅簡單發表, 老師分咗一D角色俾我地, 每2個人一組編一段仔對話然後演番出黎, 我抽到同一個中國男仔一組, 內容係我想叫佢一齊去圖書館溫書但佢身體唔舒服想休息... 中間突然個腦一片空白, 但最後都總算完成... 究竟緊張什麼呢... 星期二要交一篇作文, 其實我星期五已經做好, 然後搵韓國朋友幫手睇咗一次, 但係老師一睇就知唔係自己做...我亦誠實地答佢我寫完之後有搵韓國朋友幫我睇... 但係老師都話今次有用多咗新學嘅文法同詞語所以佢都放過咗我~ 星期三即係今日面對最難一關, 中期考試!!! 功課/測驗/考試 呢D TERMS 我有幾耐冇接觸過呢? 內心有一種莫名的興奮感覺, 既興奮又緊張, 全晚都夢見自己考口試... 今日係學校校慶所以全校放假, 唯獨我地要番去考試...第一節係考文法同作文, 講真, 我讀咁多年書未試過考試會唔夠時間完成份卷...有點挫敗惑... 不過休息過後要努力考下一節--聆聽, 最後幾條有點驚慌失措...不過前面都算有信心嘅... 最後--口試, 呢一PART 真係唔知自己算係做得好定唔好, 反正完成咗呢個TASK... 明天...搬家...原來一關比一關難...明天, 又是力的表現~ 由星期六開始, 內心有好多困擾, 多少的擔心, 多少的憂慮, 多少的挫敗, 多少的自責感... 我知道, 關關難過關關過, 口講唔好諗咁多, 但其實好難做得到... 多謝韓國朋友仔知道我心情唔好帶我去睇戲, 雖然唔係好明但第一次入韓國嘅戲院睇戲好開心:) 希望在明天, 只要唔放棄!