不經不覺已經上咗12日堂, 我地班嘅同學仔仍然好安靜, 靜到老師求我地講下嘢 不過相處咗十天, 星期一發生咗一件好古怪嘅事, 話說老師教到"同XXX一樣咁XXX" 呢句嘅韓文, 要我地即席寫低同學仔嘅比喻, 寫好之後老師叫我地讀出黎啦, 每人讀2-3個, 唔知點解啦有好幾個同學仔都讀咗我...而佢地係形容我為一個"家人般親切, 天使般善良"嘅人...自始, 老師就叫我做"我們的親切的姐姐" 唔知點解會俾咗一個咁嘅感覺人, 不過當時我都真係有點不知所措紅都面哂~ 或者...佢地心目中大姐姐都係比較親切嘅? 又或者, 唔知寫咩好求其寫? 不過唔緊要啦, 只係相處咗12日, 跟住落黎嘅時間我都會繼續親切對人嘅 :) 以前一直以來喺大部份組合, 我嘅角色都係一個被照顧的幸福小女孩, 人長大了以為會唔識同比我小10歲的同學仔相處, 但原來只要做番自己, 真心對待每一個人, 國籍年齡呢D根本就唔係問題, 幸福的小女孩是時候長大了!