好多日冇UPDATE...3個原因: 功課, 溫書, 作病&病ING 每一日一放學都好攰好攰, 但每日都要溫習番當天教嘅新文法, 然後做功課, 好想備課但真係太攰...點解以前做學生嗰時都唔覺咁辛苦嘅? 不過既然係自己選擇, 自己鍾意, 點都要咬緊牙關唔可以咁易放棄! 雖然到今日我都唔知自己點解咁鍾意韓國點解要學韓文, 雖然到今日為止都未曾可以輕易而舉咁同韓國人溝通, 我仍然覺得我可以再努力多一點, 再大膽多一點! 由星期五晚開始作病, 食咗香港帶黎嘅藥, 零效用。星期六鼓起勇氣行入間藥局同佢講我咳同喉嚨少少痛, 買咗以下呢D藥 食咗2日, 瞓咗一日都仲未有好轉...今日先知學校有得睇醫生, 不過今日得D開藥嘅人, 佢叫我食咗睇下有冇好D, 如果冇就明天要再黎見醫生... 其實我好想早D瞓, 呢度D人冇乜公德心, 12點幾1點番都喺走廊傾計, 煲劇煲到零晨5,6點...