做咗全職學生一星期, 先係好新鮮, 老師講得好慢. 到今日...我覺得, 哇救命可唔可以講慢D呀...T T...一日教3,4個文法, 一堆生字, 不停咁要你做句... 姐姐我老喇想像力並冇大家咁豐富... 呢幾日老師不停都要你答黎韓國想做咩呀? 做到未呀? 點解未做到呀? 其實我真係冇乜點解要黎, 想TAKE 個BREAK, 挑戰一下新環境, 不過唔識講, D同學仔嘅答案大部份都係已經想像到嘅: 鍾意某某明星, 想去邊去邊玩, 想食咩食咩等等...個個都未出黎做過嘢又點會有人想"TAKE 個BREAK" 丫... 不過都幾特別~可以知道年輕一代嘅想法~ 今日食完飯抽籤換座位, 之前KEEP 住日日向左望, 終於可以向右望~ 抽完籤之後2個日本人一齊坐, 老師想換我過去, 我竟然好大膽咁拒絕...因為我真係年紀大喇, 條頸真係會痛...