頭一個星期, 天天新鮮, 踏入第2個星期, 開始每天重覆喇~ 都唔需要由朝早食乜做乜一路咁打出黎~ 可能講多D 我見到, 學到, 同一D 想法 我開始覺得放學係要溫書同做功課架...今日用咗3個鐘都未搞掂份功課, 星期五要交... 呢2日老師教我地一D 韓國嘅禮節, 又問下大家喺唔同嘅國家有冇呢D 禮節, 雖然老師都話現今社會已經唔係人人都會做足, 但我都覺得, 哇~ 韓國真係好多規矩呀...又唔可以自己倒酒俾自己飲, 又要2隻手倒, 2隻手接, 又要擰轉頭飲, 其實飲到咁上下, 個人都開始唔FUNCTION LA 仲咁多規矩...跟住食飯又唔可以拎起個碗... 今日想講下我嘅一個新嘅想法. 以前我會咁: 1. 買咗唔好食嘅嘢我會好快就放棄唔食, 2. 食飽就唔食, 3. 想食就買唔理個份量自己食唔食到. 而最近我變咗少少, 我唔敢講我每次都冇食淨冇叫錯份量. 但我開始盡量都唔好浪費食物, 我本來以為係因為我唔捨得咁快買下一餐先有咁嘅改變. 但今日見到學生餐廳有人食淨大半碗飯, 我內心真係覺得...好浪費呀...真係有好多人連水都冇得飲... 或者喺韓國我學識嘅第一樣嘢係...要惜食
