今日如常地爬上山上學去...觀塘番工都難唔到我, 區區一條斜路難我唔到嘅! 今日只有8個同學仔出席, 老師等咗一陣, 等嘅時候...佢突然訪問大家年齡...OMG...我都預咗會有咁嘅一日...當大家都答緊"스물X" (即2x)時...我個腦不停咁諗...30點講呢, 唔記得tim! 而我旁邊嘅英國妹妹...19歲........................到我答, 我"errrrr.....", 老師問係咪秘密? 我答佢唔係呀...er....1985... 老師眼碌一碌諗一諗, 然後瞪大對眼望住我"32?!" (韓國係都要計老人地一歲)... "童顏!" 全班同學都望住我...所有人都講哂年齡後, 老師再加多句"你是大姐姐呀!" 今日上堂學嘅都係新嘅文法 (上2堂有d 我以前喺香港都學過), 所以好乖地, 一放學就番去溫書先~ 然後就出發~~去江南~~第一次自己一個搭巴士, 其實原來比想像中容易, 都話架啦, 唔試係唔知自己做唔做到, 唔好乜都話好難架我做唔到架, 好驚呀一陣會唔會落錯站架? 試下先啦~~ 找我親愛的費列羅朋友Irene!!! 好開心呀!喺外國見到自己親密的朋友們真係好開心架! 所以我堅持送埋番酒店先走~ 點擊圖片放大 +3