為咗唔可以再遲到, 琴晚就執定書包, 今日早咗半個鐘出門口, 咩住個重疊疊書包出發, 行咗一大半都冇乜嘢, 到山腳我就開始=.=" 條路唔算好闊所以唔可以停低或行得太慢, 後面D人會跟得好貼...所以我唯有硬著頭皮繼續行, 繼續行...行到平路諗住YES! 到喇! 丫唔係喎仲有條長樓梯... 星期一, 二, 三(AM) 係另一個老師, 星期三(PM), 四,五 係另一個老師. 我暫時覺得123老師比較瘋癲同好玩D, 345老師我未諗到點形容, 不過2個都好好 :) 可能剛開學D同學仔唔知點解轉黎轉去, 有D 由2級掉咗去上3級, 有D 又由1級掉上黎2級, 跟住又有D頭2日入錯班房...=.= 現暫有2日本, 1台灣, 2香港, 2俄羅斯, 1英國, 5中國, 我好鍾意我隔離個英國人, 佢D 韓文好正! 我呢2日都係同佢做PARTNER :) 放學去咗拎學生證~ WAAA~~~ 學生證~好熱血呀~~~ 跟住仲去埋銀行開戶口~內心不停REPEAT 想開銀行戶口點講, 到218號時我個腦又一片空白了...真係要再壯大D個膽~ 唔係考口試DIEHARD! 晚餐又係考韓文時間~ 不過呢度D阿朱媽都好好人好有耐性~ 肯聽你慢慢講同做身體語言~