今日起身執書包番學, 諗住workbook 應該唔洗帶啦...點知上堂會用workbook...o_o 即係回到以前要揹住個重疊疊書包番學咁... 話說我上堂嘅地點係喺山上面, 我又冇預到自己行斜路會慢成咁...結果我遲到...第一日上堂就遲到...T_T 仲要第3個生字就教...遲到...用我做例子真係多謝哂 遲到, 冇帶書...點搞呀? 會唔會俾老師BLACK LIST 我? 我要努力D先得!!! 是日午餐同1個日本同學+1個中國同學食, 日本妹妹單刀直入話自己邊年出生(不過我聽唔明), 然後再一刀入:你係咪姐姐呀? 而我亦好合作咁講...1985...佢一句"ER~~~~" 然後2位妹妹一齊叫"언니"(即"姐姐")... 朝早2堂文法, LUNCH, 下午再2堂聽講(我PARTNER 係英國人但我地好乖冇用英文, 好啦我認我地係用咗1,2句英文嘅)...老師全程韓文...加大量BODY LANGUAGE~ 咁...就完咗一日嘅堂... 班上有:2個日本人, 2個台灣人, 1個英國人, 大量中國人, 仲有D 冇番學 最後想講, 黎咗幾日, 我真係唔敢浪費食物, 第1, 叫自己食得到嘅份量, 第2, 盡量食哂好食唔好食都要食... 因為如果下一次肚餓又要用錢買...不過好彩每一日食嘅都好好味~~~