OK, 回想8月31日, 1:00AM 先執好哂行李可以瞓3個半鐘... 5:20就出發, 幸福的我當然有爸爸媽媽車我去機場送機啦~ 遇到非常有趣的手寫機票, 個職員每做一個STEP 都問佢隔離位一次, 不停話唔識做,仲要連FLIGHT NO 都唔寫...幾好丫咁嘅工作態度... 可能因為我知道將要面對更多更多的困難, 呢個咁特別嘅經歷我睇得好開(BY THE WAY, 我同我自己講, 以後無論遇到咩問題, 先往好嗰方向諗, 冷靜處理) 又唔係DELAY 好多,不過廉航冇飛機餐, 我真係OK 架, 不過當我熟睡中聞到濃烈的杯面味, 喂唔好蝦我地呢D食唔起杯面嘅窮人喎! 當然啦, 定力驚人的我仍然緊閉眼睛在夢中食雞睥囉! 到咗機場我真係超級白痴, 張SIM CARD 搞勁耐都用唔到, 好彩有孖公仔寬寬, 隔咗個海都幫我解決到~ 我愛你呀寬寬~成功用咗超有限嘅韓文買車票(好彩冇買錯咋嚇死寶寶)... 好眼瞓但又唔敢瞓...終於到站~~~ 一個人, 帶住2個行李, 攞住個電話睇地圖, 落雨? 都冇計啦點拎遮呀... 終於搵到住處...哇..........行樓梯...又餓個行李又重點搞呀...呢個時候就係需要堅定不移的信心, "I CAN DO IT! " 自己內心大嗌3聲就的起個大行李, 行半層, 番轉頭的埋個細行李, 如是者, 行上3樓(即係2層)...此乃...力的表現 同職員講完數就出去搵食同買D 必需品啦...結果...我10點唔夠瞓到忘記自己在哪裡了....
