最鐘意帶住囡囡Eunice周圍玩周圍食，今次黎到馬灣由朝玩到晚都未夠 再黎到【豐盛閣】食埋個自助餐先走，係呢到仲可以望住條青馬大橋咁靚既夜景 食住美食，真係又溫馨又開心！！ １８：３０先正式開始ＤＩＮＮＥＲ，早左入座既我地緊係影下相仔打下卡先啦！ 我就先去行返轉睇下有Ｄ咩好野食啦～ 一行出去已經俾松葉蟹腳吸引住，又長又多肉！ 仲有海螺、青口等豐富新鮮肥美既海鮮！ 呢到既刺身超厚切超新鮮，仲有多款壽司及香脆天婦羅添！ 壽司大大盤排得整整齊齊的，有生食有熟食大人細路都岩食啦～ 多款天婦羅同肉眼扒就係入黎個門口出面，記得唔好錯過啦！！ 多款中、西、日既美食呢到應有盡有又多元化！ 點擊圖片放大 +2 睇完一轉都已經可以開始了，第一時間拎左Eunice最愛既意粉醫下肚仔先啦～ 呢碟就係我親自為Eunice DIY既兒童餐啦～ 正係食意粉唔夠，我就去左沙律區拎左蕃茄及粟米做配籵，真係成個出面餐廳既兒童餐咁呀 食到一半都已經開始入黑了，青馬都已經開哂燈，真係好靚呀！！ 二話不說帶埋Eunice出去門口自拍下先，睇下我地幾咁溫馨！！ 仲有點少得甜品區呢！！真係包羅萬象 款式多到數都數唔哂，有馬卡龍、慕絲蛋糕、班戟、精緻曲奇、泡芙等等！！ 款款都好睇又好食！ Eunice就係咁夾Ｍ＆Ｍ同糖，夾到成碗都係，咁開心既時候就俾佢放縱下啦～ 睇下曦曦食到肚腩仔都凸哂出黎就知今晚餐飯佢食左好多好多野啦！ 最後都要留個倩影先捨得走，一上車Eunice已經訓到叫都叫唔醒！ ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝其實黎馬灣唔算太難去，而且俾我想像中易去又輕鬆； 我就選擇到【港鐵青衣站】再轉坐居民巴【330】係挪亞方舟門口落，步行幾分鐘就到啦！ 有得親親大自然又有沙灘，好適合一家大細黎呢到親子遊！ ＊星期一至四訂購豐盛閣自助晚餐仲連【夢想星球通行證】＊ 以大自然為主題的光影互動展館，以光、影、音技術，探索和體驗態獨特的未來星球 同小朋友一齊黎探索一下，又可以放電又可以影靚相！真係親子好去處～ 訂座網址 地址： 馬灣珀欣路33號挪亞度假酒店 電話： 3411 8836
