《米奇金曲音樂劇》（Gloden Mickey）今日作最後一次演出，之前老公收到電郵可以網上登記預留座位欣賞星期五晚的場次之餘，我們更可以得到相關限量紀念品，感覺真係既開心又難得*^O^* 自2008年買學生全年通行證開始到現在，Gloden Mickey陪伴我差不多7年，初初跟大學同學去睇到依家一家三口去睇，感覺真係好唔同。 每次去迪士尼樂園總喜歡搭鐵路，因為我用西鐵全月通每次來回大約補回廿四元車費而已，昕昕就快兩歲半，懂得表達好多野，她最開心就是去迪士尼，而且更懂得主動問職員拎貼紙，拎完仲要叫我放落袋(^_^;) 樂園商店換了《玩轉腦朋友》的擺設，另外在畫室旁有拍照區，但由於昨晚時間極為有限，所以無緣入場~>_<~ 我們在下午六點才領取Gloden Mickey入場手帶和限量紀念品換領券(^_^;) 由於距離表演時間緊拙，我們去了睡公主城堡旁邊的餐廳享用晚餐，以下的拉麵套餐原價$118，果汁加$12（杯裝可樂免費），我用全年通行證銀卡折實$118.5找數，另外還點了薄牛趴餐，折實要$118~~~ 餐廳內冷氣充足，而且更有不同公主故事油畫或雕塑^_^ 點擊圖片放大 大約七點去到排隊，沒想到許多人已經為了爭取有利位置而排隊⊙_⊙ 入到去已經係尾三、四行了~>_<~ 入場時交回換領券就可以拎到一盒紀念品，盒內有一個紀念章和20張Gloden Mickey表演照片製作成的明信片，喜歡集郵的我可以拆其中一份玩postcarding＼(^o^)／ 以下是明信片~~~ 點擊圖片放大 +2 整個表演有許多卡通人物出現，花木蘭、鐘樓駝俠、泰山、貝兒..... 我最喜歡係美女與野獸那部份，因為自己喜歡跳舞，而音樂劇中野獸在花火發放後變成英俊的皇子跟貝兒共舞，感覺好夢幻，也令對愛情有憧憬的人陶醉。 雖然Gloden Mickey闊別迪士尼樂園，但我十年期待劇場最新的音樂劇表演，到時可以帶昕昕一齊欣賞Y(＾_＾)Y 以下係我們的FACEBOOK專頁連結，裡面會有一些昕昕的生活照片和不同資訊分享^^ 生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=W= 我的網誌~~~ Google blog theztyle blog Mybb.com blog Bkmilk blog She blog (New) She blog (Old) ELLE blog WOW Blog WeShare U Blog 我的護膚品分享： gooodapple.com 如有任何Blogger活動邀請或試用，可以聯絡我的電郵： mandylau55@gmail.com
