尋日下午老公帶了我和昕昕出席大學同學聚會，今次他們聚會選擇到九龍酒店倚窗閣食下午茶自助餐，今次我和昕昕就可以食食食啦！ 倚窗閣的食物款式好多，有燒味、燒賣、豬趴、Pizza之外，仲有好多食物:P 豬趴冇咁好食，因為太硬= =" 左上係XO醬炒蘿蔔糕，個人唔食得辣，食完就勁飲水= =" 右上係伊麵，昕昕都LIKE，幾好食~~~ 左下係波羅雞粒炒飯，不過我冇食到~~~ 右下係自己叫人整的河粉，有豬骨湯或者牛肉湯底選擇~~~ 另外有中西湯，中湯係我們一眾女士喜歡的椰子雲耳煲雞，西湯係周打忌廉湯，由於我太喜歡飲湯，一飲就飲了三碗中湯~~~ 食自助餐當然唔少得日式壽司，老公就食三文魚壽司，而我只係拎豆腐配我的河粉食:P 甜品係tea buffet其中一個重點，有Dreyer's 雪糕，而且可以自己加杏仁片或朱古力片等配料，最受歡迎當然係士多啤梨味，到後期清晒，雲呢嗱和薄荷朱古力仲好似冇乜人要咁淨好多= =" 雪糕旁邊有即叫即整的芒果班戟，好在可以叫走忌廉，否則我會食唔到其他野~~~ 食咁多次自助餐，第一次見到有法式梳乎厘，新鮮熱辣辣又幾好食，感覺比較特別^^" 下圖係豆腐花和蟹肉豆腐~~~ 昕昕咁為食，影吓佢GE食相先:P 蛋糕款式不算多，主要有芝士蛋糕、朱古力核桃蛋糕和芒果拿破崙，芝士蛋糕味道一段，朱古力核桃蛋糕和芒果拿破崙都好好食^^" 這裡有即叫即整生滾粥，生蠔、水果等，橙和蘋果係原隻，好在西瓜、蜜瓜已經切好晒~~~ 飲品選擇一段，主要係果汁和茶啡，多士麵包就最入，比較少人食~~~ 整體給我感覺算OK，因為今次下午茶自助餐食得太飽，搞到我晚餐時間冇胃口食飯，只係食少少飯後甜品就算。 星期日係Family Day，好多好似我地咁一家大細去，所以比較噪，由於老公只係掛住跟舊同學傾有關專業的工作問題，所以我和昕昕只是食，偶爾有他的舊同學抱住昕昕行一陣或者有人跟我傾湊女經我才講一、兩句，十幾人裡面，男同學只有兩、三人，而我跟老公大學同學相反是男多女少，老公讀Speech and Hearing，而我本身讀的係IT= =" 我們人均消費約二百元，因為Openrice有得下載優惠券，以下是有關連結，如果大家有興趣都可以一試^^" http://www.openrice.com/zh/hongkong/restaurant/%E5%B0%96%E6%B2%99%E5%92%80-%E5%80%9A%E7%AA%97%E9%96%A3/3988 以下係我們的FACEBOOK專頁連結，裡面會有一些昕昕的生活照片和不同資訊分享^^ 生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=W= 我的網誌~~~ Google blog theztyle blog Mybb.com blog Bkmilk blog She blog ELLE blogWOW Blog WeShare U Blog 我的護膚品分享： gooodapple.com 如有任何Blogger活動邀請或試用，可以聯絡我的電郵： mandylau55@gmail.com
