同家人食餐生日飯，當然要選擇一間服務好嘅中餐廳 呢間海鮮酒家係比較新開嘅餐廳，所以裝修唔錯 環境舒服企理 最重要係職員好用心服務客人，上到1樓即刻幫手消毒，食嘢途中主動添茶 分菜 - 點擊圖片放大 水煮深海鱈魚柳 $138 貼心地可以揀辣度，叫左小辣，唔係好食所辣嘅我都食到。魚柳好嫩，入面重有木耳，芽菜，薯粉等配菜，香香辣辣好開胃。 - 砂窩蟹粥 $168 勁大窩，4個人食都夠。入面有兩隻蟹，以蟹粥嚟講算多肉。粥鮮味，加上欖菜提味，令粥唔會太寡。 - 柑桔醬燒蝦球 $128 入口微酸，味濃。蝦球巨大而爽口，真正係啖啖肉，非常滿足。 - 麻辣肚絲 $58 酸酸辣辣，非常開胃。肚絲爽脆，加上一條條切到好長嘅雲耳增加口感。 - 椒鹽豬手 $46 / 1件 本日一大亮點，豬手勁大隻，上面有滿滿嘅椒鹽，每一啖都有滿滿嘅骨膠原。店舖重貼心咁提供手套，等食客可以盡情咁用手食。 - 神燈海鮮酒家 佐敦長樂街14-20號18廣場地下及1樓
