香港天氣一冷一熱，一濕一乾，變化很大，令人難以適應，搞到我膝頭啲關節成日痛，點搞呀？講真，痛咗咁多年以為無得救，但近呢幾年終於搵到自救嘅方法，今次就分享一下關節痛舒緩嘅小貼士，希望幫到各位啦！何解關節痛？首先，我哋要搞清楚究竟點解會關節痛。其實成因有好多，好似我咁，最怕就係天氣一變，又凍又濕，啲關節即刻血氣唔順，出嚟抗議！除咗天氣，以前運動整親嘅舊患、或者日日keep住用同一個姿勢對住電腦做「鍵盤戰士」、成日㩒手機，搞到勞損，都係常見原因。當然，隨住年紀增長，關節入面嘅軟骨好似車軚咁慢慢磨損，引起關節炎，嗰種痛、腫、僵硬嘅感覺，真係嚴重影響生活同工作，我以前想抱下個女都痛到叫晒救命，所以搵到有效嘅關節痛舒緩方法真係好重要。邊啲人容易中招？其實有幾類人特別容易中招，非常唔好彩地，我係其中一個！ 你哋快啲睇下自己有冇份啦！通常年過五十，或者女士們更年期之後，關節都比較脆弱。「年紀大機器壞」真係唔講得笑，隨住年齡增長，關節之間嘅軟骨就會磨損，好容易引發關節痛㗎！女士們更年期後都要小心，荷爾蒙變化都會令關節問題加劇！如果你曾經整親關節，好似我咁，後生試過踢波整親膝頭，就會增加關節磨損嘅風險，或者你體重有啲「份量」，都會令到膝頭、腰部長期受壓，成為高危一族㗎！當然，天氣都係重中之重啦！唔少人天生就係「人肉天文台」，天氣一變臉，關節就即刻有反應，呢個真係冇得呃。關節痛舒緩方法大公開！講咗咁耐，到底有咩實際方法可以幫手關節痛舒緩呢？ 痛咗咁多年，我由最初乜嘢方法都試，到而家都算有啲心得。一開始，我會想去郁下隻腳，運動下，但又驚亂郁會整親，所以搵專業嘅物理治療師幫手就係最佳選擇，佢哋會設計專屬動作，幫我強化關節周邊嘅肌肉。另外，千祈唔好因為痛就唔郁，詢問下醫生或者物理治療師嘅意見後，可以試下做啲溫和運動，好似游水、瑜伽，保持關節靈活，適量運動對關節痛舒緩效果非常顯著㗎！想改善關節痛，飲食都好關鍵，俗語話「You are what you eat」，有啲食物會加劇身體發炎，有啲就可以幫手抗炎。要少食煎炸食物、加工肉類、汽水、甜品呢啲高糖高脂嘅嘢，佢哋會令身體更容易發炎，令你嘅痛楚加劇。要多食含Omega-3脂肪酸嘅深海魚（三文魚、吞拿魚）、亞麻籽、合桃；抗氧化物豐富嘅藍莓、士多啤梨、西蘭花、菠菜；仲有天然嘅抗炎香料好似薑黃、生薑等等。時刻保持健康飲食先以輕鬆做到關節痛舒緩。有時痛起上嚟真係郁都郁唔到，呢個時候就要有啲「急救包」看門口啦。睇醫生食啲消炎藥，可以快速達到關節痛舒緩嘅效果，不過記得要跟足醫生指示服用。但講到我嘅私伙法寶，就一定係傳統嘅智慧——活絡油。我平時就用開飛鷹活絡油，佢裡面有三七、紅花、生川烏呢啲活血化瘀、舒筋活絡嘅中藥。喺痛嘅地方輕輕按摩，感覺到有啲溫熱感，血液循環好似都快咗，繃緊嘅肌肉即刻鬆返晒。而且佢仲有袪風除濕、溫經散寒嘅功效，對於關節痛舒緩嚟講，真係快靚正。最緊要嘅係，飛鷹活絡油入面加咗薰衣草精油，陣味好清香，完全冇嗰種傳統藥油嘅強烈味道。之前試過用其他藥油，陣味勁到我個細女都唔肯攬我。想關節唔痛？其實要做到全面嘅關節痛舒緩，淨係靠一兩招係唔夠，係需要我哋喺生活各方面作出調整。最好將運動、食療、良好生活習慣（例如保持體重、避免翹腳）結合埋一齊，再使用飛鷹活絡油舒緩痛楚，效果先會事半功倍。希望今次嘅分享，可以為同樣受關節痛困擾嘅你帶嚟一啲啟發同希望。記住，關節痛唔係絕症，只要我哋肯面對佢、了解佢、用啱方法處理佢，一樣可以喺天氣變幻莫測嘅日子裡，好好照顧自己嘅關節，同關節痛講Bye Bye，祝大家日日都咁精靈活潑，想抱起個仔女跑兩步都冇難度！
