作為一個平時鍾意諗諗計慳住使嘅師奶仔,梗係要download定幾個著數手機APP傍身,唔知大家有冇留意大家樂會員app 「Club100」已經升級左「Club 100易.0」版本,有興趣嘅朋友可以即刻download即刻用,同我一齊攞著數攞到盡!喺大家樂會員app「Club 100易.0」登記完做會員就有著數同優惠拎,即刻計計數發覺原來我一個星期都會最少食4-5次大家樂,計落慳埋慳埋都唔少,等我分享下點用個app最抵啦!?名符其實係「易joy!易賞!易分享!」加入大家樂會員app「Club 100 易.0」首先,講下點樣做到大家樂「Club 100易joy」會員先~ 其實「好易joy」,首先喺手機度download個左大家樂會員app「Club 100 易.0」先~↓Android Download Link↓https://play.google.com/store/apps/details?id=com.cdc.cdcmember&hl=zh_HK ↓Apple Download Link↓https://apps.apple.com/hk/app/%E5%A4%A7%E5%AE%B6%E6%A8%82/id1436965382Download之後喺頁面㩒「登入/登記」,填寫手提號碼,然後就可以填個人資料,八達通卡號碼(重要!咁先就可以嘟八達通儲分)、電郵等,如果有推薦人嘅話都可以寫埋佢既手提電話號碼,都會推薦人可以有特別既優惠架!填埋生日嘅話,生日月可以有飲品券呀~一入到去大家樂會員app「Club 100 易.0」你就會見到好多最新優惠消息,需要留意嘅係「C友消息」同埋「會員至有」同埋「C友消息」,幾乎大家樂Club100會員app有嘅優惠都喺哂入面!儲埋嘅樂賞分有咩換?睇首頁嘅1 Club換物都見到唔少獎賞,正!點擊圖片放大 大家樂會員APP「Club 100易.0」嘅「會員推廣」裡面有「易賞」功能有三大優惠,分別係:喺「帳戶設定」嘅「我的資料」入面,填寫「了解您多點」簡單網上問卷,就有免費凍飲、熱飲嘅電子優惠券) $20新會員電子現金券及生日優惠贈飲券(只要喺大家樂會員APP「Club 100易.0」到成功登記成為新會員,或現有會員第一次啟動App帳戶,就先送4張電子現金券,分別早午茶晚各1張。每張減$5,4張就慳$20!填埋生日日期,每逢你嘅生日月份就會送一張電子飲品優惠券,可以免費換一杯凍或熱飲慢慢嘆! 介紹番新會員(記得好似我咁介紹識得嘅人download APP啊!因為每成功推薦5個新登記大家樂Club 100會員,填埋你嘅電話號碼做邀請碼,就會有$10電子現金券,推薦愈多,獎賞就愈多,精打細算嘅你一定唔好錯過!不過要留意,一個帳戶最多只可以獲贈20張電子優惠券喔!)在我觀察,大家樂會員app「Club 100 易.0」入面,「C友消息」視乎節日或者活動咁去推廣,而「會員至有」係有好多會員嘅限定優惠,之前見過大家樂Club 100會員app有做過「食蛋有獎」,意思係指一星期內,早市食任何3.6牛乳炒滑蛋早餐或特色炒蛋早餐夠3次,就可免費送牛尾湯扭紋粉或銀針粉一碗」。另外仲有一個叫「孖住食」優惠,係網店限定嘅優惠2人餐券,如果同屋企人朋友想食飯平啲,可以上去網站eatCDC.com買定餐券(會員app首頁右下有「e+」 icon可以輕易去eatCDC.com),買完之後會send email畀你又或者喺會員app入面「優惠券」入面揀返「eatCDC」都可以拎到優惠券QR code出嚟,到時再去大家樂掃就得,重點係價錢係比起堂食更平!不過要注意喺買eatCDC.com餐券嘅時候係冇得累積「樂賞分」或「樂賞錢」㗎。 而「樂賞分」、「樂賞錢」同「樂賞印」,就係大家樂會員app「Club 100易.0」會員最著數嘅制度!只要你一星期內食得愈多大家樂,你就可以拎到愈多嘅分數同$$以優惠價去食好嘢!「樂賞分」就好似你平時儲印花咁,1蚊等於1分,當你食一次野,用左$30,你就有30個「樂賞分」!儲左一堆分數又點用好?你只需要喺大家樂會員app「Club 100易.0」按入「兌換優惠券」嘅分頁,就可以睇到有咩餐可以換,例如500分就可以換杯紅豆冰或凍/熱飲、1100分就可以換到以下其中一樣:全熟烚蛋、細湯麵、蘋果薯仔沙律、中/西湯、灼菜、Segafredo咖啡或凍/熱飲一杯。儲夠分之後就可以直接係個App度換同用,超方便! 而「樂賞錢」就係指每週消費獎賞,只要一星期内去大家樂單次消費滿$25三次,就會回贈$5「樂賞錢」可當現金使用。之後再多兩次$25消費,仲送多$10「樂賞錢」,即時回贈落你會員帳戶度!除左「樂賞分」同「樂賞錢」之外,大家樂會員APP「Club 100易.0」仲推出左個新朋友仔,就係「樂賞印」啦!呢個優惠簡單易拎,同出面嘅儲印花一樣,每個月會有唔同嘅「樂賞印花卡」,儲夠印花就可以換獎賞。而今個月就係每購買一個「招牌焗」就有一個印花,儲夠10個印花就送一份西多士。邊食邊儲分又可以換野食,點都覺得抵! 其實大家樂會員APP「Club 100易.0」仲有「易訂」功能,好似有特快訂餐咁,可以慳返係店內排隊揀野食同俾錢嘅時間。不過最正都係申請大家樂「Club 100易.0」會員係免費,佢會員嘅優惠仲會keep住更新,而且容易拎到,仲有$$回贈,鍾意食港式快餐既你一定要快D登記啦!*本文章所發表的全部內容均屬個人意見,並不代表該品牌/公司之言論及立場。#飲食 #香港 #美食 #餐廳 #大家樂 #大家樂集團 #大家樂故事 大家樂會員APP #Club100易.0