尖沙咀不嬲都好多嘢食 泊車又方便我同男朋友都好經常出尖沙咀食嘢我地平時唔太多食任食邊爐 因為質素有時太差😖今次同事介紹話呢間性價比好多只需要$300左右 就已經有任食羊腩煲，雞煲同埋任食配料 本住一試無妨既心態就去左試啦我地行樓梯上一層就已經見到 店員見我地行上黎都溫馨提示我地其實旁邊係有lift😂 不過就要行入少少先見到一坐低先點左個安格斯set 另外加雞煲任食我見到出面自助區好多嘢食 飲品區竟然仲有啤酒😝去拎完調味料 羊腩煲已經到咗超級大煲🥰 見到已經飽左既感覺😝😝😝裏面大概有10件羊肉 仲有大量枝竹馬蹄同埋冬菇好正好正 估唔到任食有呢個質素食到咁上下可以叫佢上雞煲 店員好細心要咩辣度亦都有問我哋食唔食芫荽 上到枱又係俾佢份量嚇親 又係望到都飽😂我哋今次叫咗小辣 雞差唔多有成隻 食落好嫩滑👍🏻👍🏻👍🏻食到呢度我已經好飽 不過都叫咗幾樣任食套餐有嘅肉類同海鮮試試佢啲牛肉都好有肉味 冇話任食就將貨就價👍🏻👍🏻另外海鮮除咗有蜆之外仲有蝦！ 好鮮甜夠大隻可惜太多嘢食 我唔能夠當日encore😂😂$300喺尖沙咀可以無限食同飲 仲要唔限時 真係性價比之神 最難得是食物質素很好👍🏻 絕對會再來點擊圖片放大 +8
