越南峴港。會安6日嘅MaMa trip 行程篇/5晚3間酒店/天氣/越南人好友善 今次旅程,唔洗湊住個仔,回到未嫁時一樣輕鬆,所以主要係想放空,講得放空就啫係無乜行程,主要係酒店Hea喇。要Hea咁酒店嘅質數一定唔可以太差,係左揀右揀之下,最後決定5晚住3間酒店.... Day 1 香港-峴港-巴拿山 Day 2 巴拿山-會安 Day 3 會安- 洲際 Day 4-5 洲際 Day 6 洲際-香港 其實,行程仲有...行街市,Spa ,越南美食,paddling boarding,yoga,boat fishing。都唔係齋放空嘅! 酒店住宿: 16/5 (1night)**** Mercure danang French village banabhills 峴港巴拿山法國鎮美居別墅 HKD $760 (Agoda) 17/5 (1night)**** Allegro hoi an little luxury hotel & spa 快板會安-小豪華spa飯店 HKD $850 (Agoda) 18-21/5 (3night)***** Intercontinental danang sun peninsula resort 洲際峴港新半島度假酒店 HKD 12400 (IHG) ***************************** Total 5 night HKD $14010 每人HKD $7005 越南盾對港元嘅價 V10,000/$3.5 其實,酒店嘅住宿費係有啲貴,但因為越南嘅消費低,而我地又真係好想住Intercontinental Danang,因為哩間酒店,係Intercon.集團內係No.1嘅Resort Hotel,所以同RK商量後,好快就決定咗住哩幾間酒店喇。 不過,其實,係agoda入面,越南峴港。會安,有好多平價又好嘅酒店,只係我揀哩幾間貴啲啫,選擇好多,平貴隨自己喜歡。 去越南最好嘅月份係5月,因為天氣好陽光足,影相都靚啲。酒店員工同我講,上個月仲落緊大雨,而我好好彩今個trip 6日都天氣晴朗,藍天白雲日日陪住我,日日同陽光玩遊戲,不過,年紀大曬黑咗好難白得返,所以我都帶住支50spf防曬,以防同太陽伯伯玩得太激烈。 越南係慢香港1個鐘,所以,早機到真係好多時間用。 未去越南之前,上網睇下了解過,而家嘅越南就好似香港嘅70-80's, 初初開放咁,會有揸住電單車嘅人搶手袋,又會搶手機等....總之樣樣要小心,所以我都拎返個1×年前買嘅腰bag,貪佢夠晒貼身,想搶都搶唔到,行街時又唔敢成日拎住手機。 但其實越南峴港。會安嘅人,大部份都好友善,同你有眼神接觸會主動微笑,比我嘅感覺,真係好好吖,起初嘅擔心,隨住每一日見到嘅友善微笑,完全改觀晒,我真係好喜歡哩個地方。 下篇會長細介紹酒店住宿,記得like下我個facebook專頁喇