去台灣旅行,梗係要食蛋餅做早餐,但係有時心癮起,都未必可以即刻有得食,香港又冇咩地方有好食既蛋餅 (有既麻煩介紹返),咁即係要自己整啦 我上網搵左好耐,試左幾種做法,終於都搵到一個超簡單但包好食既配方,做到外脆內軟既口感,蛋餅控有救啦! 材料 (2人份) 中筋麵粉 (plain flour) 2/3杯^ 凍滾水 195 - 225毫升* 蛋 2隻 餡料隨意 做法 1. 將麵粉同水攪勻,靜置至少10分鐘 2. 中火加熱平底鑊落少少油,倒一大匙粉漿再搖下個鑊,確保粉漿厚度平均 3. 煎約3分鐘,見到金黃帶脆就反面煎1分鐘 4. 餅皮離鑊,煎一隻蛋,整散蛋黃,再將餅皮放上去,反轉係餅既中間部分落餡料 5. 利用鑊鏟同筷子將1/3既餅皮摺入中間,再摺一次,用鑊鏟壓至成形,食得! ^想煙靭D就用一湯匙蕃薯粉代替一湯匙麵粉 *水既分量影響口感,想食乾身D可以落少D水,相反就多D水 今個星期六日試下啦! #台灣美食多 #早餐不可少 #蛋餅脆卜卜 #洗咩請假飛 更多食譜: https://www.facebook.com/malucfooddiary/